ජීවිත ආරක්ෂක ගිනිඅවි බලපත්ර ලාභීන්ගේ ගිනි අවි සම්බන්ධයෙන් පොලිසිය නිවේදනයක් නිකුත් කර තිබෙනවා.
ඒ අනුව 2026 වර්ෂයට ගිනිඅවි බලපත්ර අලුත් කිරීමට සමගාමීව, බලපත්රය ලබාගෙන අඩ වර්ෂයක් ගතවූ විට ලඟම පිහිටි පොලිස් ස්ථානය වෙත ගිනි අවිය ඉදිරිපත් කර ගිනි අවියේ ක්රියාකාරීත්වය සහ එහි අංකය බලපත්රයෙහි අංකය සමඟ සැසඳෙන බවට සහතිකයක් ලබා ගත යුතු බවයි සියළුම ජීවිතරාක්ෂක ගිනි අවි අලුත් කර ගත් බලපත්රලාභීන් වෙත උපදෙස් ලබා දෙන්නේ.
මින් ඉදිරියට සෑම අඩ වර්ෂයකම ජීවිතාරක්ෂක ගිනි අවි බලපත්ර ලාභීන්ගේ ගිනි අවි සහ බලපත්ර ඉහත සඳහන් පරිදි පරීක්ෂා කර අදාළ සහතිකය නිකුත් කර අවශ්ය පියවර ගන්නා ලෙස පොලිස්පතිවරයා විසින් සියළුම පොලිස් ස්ථානාධිපතිවරුන් ඇතුළු උසස් නිලධාරීන් වෙත උපදෙස් දී තිබෙනවා.
ඒ අනුව 2026 වර්ෂයට අදාළව බලපත්ර ලබාගෙන අඩ වර්ෂයක් ගත වූ විට ළඟම පිහිටි පොලිස් ස්ථානය වෙත ගිනි අවිය ඉදිරිපත් කර එහි ක්රියාකාරීත්වය සහ අංකය බලපත්රයෙහි අංකය සමඟ සැසඳෙන බවට සහතිකයක් ලබා ගන්නා ලෙසයි ජීවිතාරක්ෂක ගිනි අවි බලපත්ර අලුත් කර ගත් සියළුම බලපත්ර ලාභීන් වෙත යළිත් දැනුම් දෙන්නේ.
