ගාසා තීරයේ පාසලකට එල්ල වූ ඊශ්රායල ගුවන් ප්රහාරයකින් අවම වශයෙන් පුද්ගලයන් 16 දෙනෙකු මිය ගොස් ඇති බව පලස්තීන බලධාරීන් පවසනවා.
තවත් දුසිම් ගණනක් තුවාල ලබා ඇති බවයි එම බලධාරීන් වැඩිදුරටත් සඳහන් කළේ.
මධ්යම ගාසා තීරයේ නුසෙයිරාට් සරණාගත කඳවුරේ අවතැන් වූවන් දහස් ගණනකට මෙම පාසල් ගොඩනැගිල්ලේ නවාතැන් ගෙන සිට ඇති බවයි වාර්තා වන්නේ.
ඊශ්රායල ආරක්ෂක බලකාය පැවසුවේ අල්-ජාඕනි පාසල් ප්රදේශයේ පිහිටි ව්යුහයන් තුළ ක්රියාත්මක වන ත්රස්තවාදීන් කිහිපදෙනෙකු ඉලක්කකර මෙම ප්රහාරය එල්ල කළ බවයි.
ප්රහාරය ඇසින් දුටු සාක්ෂිකරුවන් විදෙස් මාධ්ය වෙත පවසා ඇත්තේ කාර්යබහුල වෙළඳපොළක් අසල පිහිටි පාසලේ ඉහළ මාලයට ප්රහාරය එල්ල වූ බවයි.
7,000ක් පමණ පිරිසක් මෙම ගොඩනැගිල්ල නවාතැන් ලෙස භාවිත කරමින් සිටි බව විදෙස් මාධ්ය වාර්තා කරනවා.
සෙනසුරාදා එල්ල වූ ඊශ්රායල ප්රහාරවලින් මියගිය අය අතර ප්රාදේශීය මාධ්යවේදීන් පස්දෙනෙකු ද සිටින බවයි හමාස් සංවිධානය සඳහන් කළේ.
