තණමල්විල ප්‍රදේශයේ සිදු කළ විශේෂ මෙහෙයුමක දී වියළි ගංජා කිලෝග්‍රෑම් 05යි ග්‍රෑම් 500ක් සහ නීතිවිරෝධී මත්පැන් සමග පුද්ගලයින් දෙදෙනකු පොලිස් අත් අඩංගුවට ගෙන තිබෙනවා.
දසත ප්‍රාදේශීය වාර්තාකරු පැවසුවේ; මොනරාගල කොට්ඨාස විෂ මත්ද්‍රව්‍ය ඒකකයේ නිලධාරින් පිරිසක් සිදු කරන ලද වැටලීමක දී මෙම නීතිවිරෝධී මත්ද්‍රව්‍ය පොලිස් අත් අඩංගුවට ගැනීම සිදු කෙරුණු බවයි.
වියළි ගංජාවලට අමතරව නීතිවිරෝධී මත්පැන් මිලිලීටර් 15,000ක් ද සැකකරුවන් සන්තකයේ තිබී සොයා ගැනුණා.
අත්අඩංගුවට ගත් ගංජාවල වටිනාකම රුපියල් ලක්ෂ තුනහමාරක් පමණ වන බවයි පොලිසිය පැවසුවේ.
සැකකරුවන් දෙදෙනා තණමල්විල ප්‍රදේශයේ ම පදිංචිකරුවන් වන අතර ඔවුන් වැල්ලවාය මහේස්ත්‍රාත් අධිකරණයට ඉදිරිපත් කිරීමට නියමිත‍යි.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
1
