රුපියල් කෝටි 05ක් පමණ වටිනා ජංගම දුරකථන ඇතුළු විද්‍යුත් සන්නිවේදන උපකරණ තොගයක් සමඟ ගුවන් මගීන් තිදෙනෙක් කටුනායක ගුවන් තොටුපොළේ දී අත්අඩංගුවට ගෙන තිබෙනවා.
කටුනායක ගුවන් තොටුපොළ රේගු නිලධාරීන් විසින් මෙම ගුවන් මගීන් තිදෙනා අද (20) අත්අඩංගුවට ගෙන ති අතර, මොවුන් අතරින් පළමු ගුවන් මගීන් දෙදෙනා, අලුයම 12.30ට ඩුබායි සිට එෆ්.ඉසෙඩ්.- 569 දරණ ගුවන් යානයෙන් මෙරටට පැමිණ තිබූ බවයි අප වාර්තාකරු සඳහන් කළේ.
මෙම පුද්ගලයින් දෙදෙනා කොළඹ ප්‍රදේශයේ පදිංචි 38 හැවිරිදි සහ 25 හැවිරිදි වයස්වල පසුවන දෙදෙනෙක්.
එමෙන්ම කොළඹ ප්‍රදේශයේ පදිංචි 32 හැවිරිදි ව්‍යාපාරිකයෙක් ද අද (20) උදෑසන 09.45ට ඩුබායි සිට ශ්‍රී ලන්කන් ගුවන් සේවයේ යූ.එල්.- 226 දරණ ගුවන් යානයෙන් කටුනායක ගුවන් තොටුපොළ වෙත පැමිණ තිබුණා.
ඔවුන් විසින් මෙලෙස නීති විරෝධී ලෙස ජංගම දුරකථන 309ක්, ටැබ් පරිගණක 08ක්, ජංගම දුරකථන උපාංග, ලැප්ටොප් 12ක්, මැක් බුක් 02ක්, අයි පෑඩ් 04ක්, ස්මාර්ට් වර්ගයේ ඔරලෝසු 20ක්, රවුටර් 05ක්, ඉයර් බඩ්ස් 30ක් රැගෙන විත් තිබුණා.
