කොවිඩ්-19 වැළඳී ගම්පොළ මහ රෝහලේ නේවාසිකව ප්රතිකාර ලබමින් සිටි කොත්මලේ පොලිසියේ සැරයන්වරයෙකු අතුරුදන් වීමක් සම්බන්ධයෙන් ගම්පොළ පොලිසිය විමර්ශනයක් ආරම්භ කර තිබේනවා.
මෙලෙස අතුරුදන් වී ඇත්තේ නුවරඑළිය, කොත්මලේ පොලිසියේ අවසන් වරට රාජකාරි කටයුතු සිදු කළ සැරයන්, සුප්පයියා ඉලන්ගෝවන් නමැති 56 හැවිරිදි නැමති පොලිස් නිලධාරිවරයෙක් බවටයි වාර්තා වන්නේ.
වසර 33 කාලයක් පොලිස් සේවයේ යෙදී සිටි සුප්පයියා ඉලන්ගොවන් පොලිස් සැරයන්වරයා නුවරඑළිය දිස්ත්රික්කයේ මැති ඇමතිවරුන් කිහිප දෙනෙකුගේ ආරක්ෂක නිලධාරිවරයෙකු වශයෙන් රාජකාරි කර ඇති අතර පසුව නුවරඑළිය පොලිසියේ රාජකාරි කටයුතු සිදු කර තිබේ.
අනතුරුව ඔහු මීට මාස දෙකකට පමණ ප්රථම කොත්මලේ පොලිසියට මාරුවීමක් ලබාගෙන ගොස් ඇති බවටයි අප වාර්තා කරු සඳහන් කළේ.
.
අතුරුන් දැන්වූ සැරයන්වරයා කොවිඩ්-19 වැළඳී පවුලේ සමාජිකයන් ද සමග අගොස්තු මස 31 වන දින සිට නිවසේ නිරෝධායනය වෙමින් සිටි බවත් ඉන් අනතුරුව රෝග ලක්ෂණ කිහිපයක් මතුවීම හේතුවෙන් සැප්තැම්බර් මස 8 වන දින ගම්පොළ මහ රෝහල වෙත ඇතුළත් කළ බවටයි වාර්තා වන්නේ.
අනතුරුව ඔහු එම රෝහලේ 10 වන වාට්ටුවේ ප්රතිකාර ලබමින් සිට තිබේ.
තම පියා රෝහලට ඇතුළත් කර දිනයේදී ම රෝහල් පාලන අධිකාරිය නේවාසිකව ප්රතිකාර ලැබූ තම පියා රෝහලෙන් පැන ගොස් ඇති බවට දැනුම් දුන් බව අතුරුදහන් වූ සැරයන්වරයාගේ පුතා කියා සඳහන් කර තිබේනවා
කෙසේ වෙතත්, තම පියාට රෝහලෙන් පැන යාමට හෝ එසේ පැන ගොස් සැඟවී සිටීමට කිසිදු අවශ්යතාවක් නොමැති බව ඔහු ප්රකාශ කර ඇත්තේ.
ඒ අනුව, අතුරුදන් වී ඇති තම පියා සොයා දීමට අවශ්ය කටයුතු කරන මෙන් පොලිසියෙන් සැරයන්වරයාගේ බිරිඳ ද ඉල්ලා සිටින බවයි අප වාර්තාකරු පැවසීය.
