කොවිඩ් රෝගය උත්සන්න වීමෙන් දින දෙකක් තුළ පුද්ගලයන් දෙදෙනෙක් මිය ගිය බව කොළොන්නාව හදිසි මරණ පරීක්ෂක කාංචනා විජේනායක මහත්මිය පවසනවා.
මෙලෙස මියගොස් ඇත්තේ මාතර ප්රදේශයේ 56 හැවිරිදි කාන්තාවක් සහ යටියන්තොට පනාවත්ත ප්රදේශයේ පදිංචිව සිටි 73 හැවිරිදි පිරිමි පුද්ගලයෙක්.
කාන්තාව පසුගිය 27 වනදා අයි. ඩී. එච්. රෝහලට ඇතුළත් කර ඇති අතර පසුදින (28) මියගොස් තිබූ බව සඳහන්.
28 වනදා රෝහල් ගතවූ පිරිමි පුද්ගලයා 29 වැනි දින මිය ගොස් තිබූ බවයි හදිසි මරණ පරීක්ෂකවරිය ප්රකාශ කර ඇත්තේ.
කොව්ඩ් සමාජය පුරා යළි ව්යාප්ත වීමේ අවදානමක් පැන නැගී ඇති බවත් විශේෂයෙන් මුඛ ආවරණ පැළඳ සෞඛ්ය උපදෙස් පිළිපැදීම වඩා යෝග්ය බව හදිසි මරණ පරීක්ෂකවරිය වැඩිදුරටත් සඳහන් කර තිබෙනවා.
අයි. ඩි. එච්. රෝහලේ මේ වන විට කොවිඩ් රෝගය වැළඳුණු රෝගීන් විශාල ප්රමාණයක් ප්රතිකාර ලබන අතර කාර්ය මණ්ඩලයටද කොවිඩ් රෝගය වැළදී ඇති බවට වාර්තා වන බවයි අප වාර්තාකරු සඳහන් කළේ.
ඊයේ (29) දිනයේ මෙරටින් කොරෝනා වෛරස් ආසාදිතයන් 5 දෙනෙකු හඳුනා ගැණුනු අතර මෙරට සමස්ත ආසාදිතයන් සංඛ්යාව දැක්වෙන්නේ 672164ක් ලෙසටයි.
