තරග 03කින් සමන්විත සංචාරක බටහිර ඉන්දීය කොදෙව් – ශ්‍රී ලංකා තුන්වැනි හා අවසන් T20 තරගය අද (17) පැවැත්වෙනවා.
මෙම තරගය අද රාත්‍රී 07ට දඹුල්ල ජාත්‍යන්තර ක්‍රීඩාංගණයේ දී ආරම්භ වනු ඇති.
මේ වනවිට දෙපාර්ශ්වය ම තරග 1-1ක බැගින් ජයගෙන තරගාවලියේ ජයග්‍රහණය සම මට්ටමේ පසුවනවා.
එබැවින් අද තරගය ජය ගැනීම දෙපාර්ශ්වයට ම තීරණාත්මක වන්නේ තරගාවලි ජයග්‍රහණයක් අත්පත් කරගැනීම සඳහායි.
ශ්‍රී ලංකාව සහ කොදෙව්වන් අතර T20 තරග මෙතෙක් 17ක් පවත්වා ඇති අතර ශ්‍රී ලංකාව තරග 09ක් ජයගෙන ඉදිරියෙන් සිටිනවා.
කොදෙව්වන් ජයගෙන ඇත්තේ තරග 08ක් පමණයි.
එමෙන්ම ශ්‍රී ලංකාව සිය මව්බිමේ දී කොදෙව්වන්ට එරෙහිව තරග 03ක් ජයගෙන තිබෙනවා.
කොදෙව්වන් ජයගෙන ඇත්තේ තරග 02ක් පමණයි.
එබැවින් ශ්‍රී ලංකා කණ්ඩායමට කොදෙව්වන්ට එරෙහිව T20 විශිෂ්ටත්වය පෙන්වීම සඳහා අද තරගය ජයග්‍රහණය කිරීම අතිශය වැදගත් වනු ඇති.
ඔබේ ප්‍රතිචාරය කුමක්ද ?
+1
2
+1
+1
2
+1
1
+1
2
+1
+1
