කොත්මලේ හැදුණුවැව වෑතලාව ප්රදේශයේ ක්රීඩාංගණයෙන් මතුවන අද්භූත ශබ්දය පිළිබඳව පේරාදෙණිය භූ විද්යා හා පතල් කැණීමේ ඒකකයේ භූ ගර්භ විද්යාව පිළිබඳ හිටපු මහාචාර්ය අතුල සේනාරත්න මහතාගේ සහභාගිත්වයෙන් අද පරීක්ෂණයක් සිදු කර තිබෙනවා.
පසුගිය දින කිහිපය තුළ කොත්මලේ වෑතලාව ප්රදේශයේ පිහිටි ක්රීඩාංගණයේ පොළොවෙන් විශාල ශබ්දයක් නැගෙන බවට ප්රදේශවාසීන් ප්රකාශ කළ අතර ඒ පිළිබඳ සොයා බලා කඩිනම් විසඳුමක් ලබාදෙන ලෙසටයි ජනතාව ඉල්ලා සිටියේ.
එම ඉල්ලීම මත නුවරඑළිය දිස්ත්රික් ලේකම් නන්දන ගලබඩ මහතාගේ දැනුම්දීම පරිදි පේරාදෙණිය විශ්ව විද්යාලයේ භූ විද්යා හා පතල් කැනීම් ඒකකයේ නිලධාරීන් නිල වශයෙන් පැමිණෙන තෙක් ජනතාවගේ භීතිය තුරන් කිරීමේ අරමුණිනුයි භූ විද්යා හා පතල් කැනීම් ඒකකයේ හිටපු ප්රධානියෙකු හා භූ ගර්භ විද්යාව පිළිබඳ මහාචාර්ය අතුල සේනාරත්න මහතාගේ සහභාගිත්වයෙන් මෙම භූමි පරීක්ෂණය සිදු කර ඇත්තේ.
මෙහිදී ආන්දෝලනයට තුඩු දුන් භූමිය පරික්ෂා පරීක්ෂා කිරීමක් සිදු කෙරුණු අතර, එහි තත්ත්වයන් පිළිබඳව හා ඇසෙන ශබ්දයට හේතුව පිළිබඳව ප්රදේශවාසීන් දැනුවත් කිරීමට මහාචාර්ය අතුල සේනාරත්න මහතා කටයුතු කර තිබෙනවා.
මීට පෙර වැවක් තිබුණු ප්රදේශයක් බැවින් එම ප්රදේශයේ යටින් ජල කාන්දු වීමක් දක්නට ලැබෙන අතර, එය වර්තමානයේ බරපතළ තත්ත්වයක් නොවන බවයි ඔහු ප්රකාශ කර ඇත්තේ.
එහෙත් ඉදිරියට එය බරපතළ තත්ත්වයක් දක්වා නිර්මාණය විය හැකි ප්රවණතාවයක් ඇති බව ද මහාචාර්යවරයා පෙන්වාදී තිබෙනවා.
ප්රදේශවාසීන් ඉල්ලා සිටින්නේ නිල වශයෙන්ම භූමිය පරීක්ෂාකර භූ විද්යා හා පතල් කැනීමේ ඒකකයෙන් පරීක්ෂණ වාර්තාවක් ලබාදෙන ලෙසයි.
