හිටපු අමාත්ය කෙහෙළිය රඹුක්වැල්ල මහතාගේ පවුලේ සමාජිකයින් පිරිසකට අයත් රුපියල් මිලියන 97කට අධික බැංකු ගිණුම් හා ජීවිත රක්ෂණ ඔප්පු අත්හිටුවමින් කොළඹ මහාධිකරණ විනිසුරු මංජුල තිලකරත්න මහතා විසින් නියෝගයක් නිකුත් කර තිබෙනවා.
අල්ලස් කොමිසම විසින් කරනු ලැබූ කරුණු දැක්වීමක් සලකා බැලීමෙන් අනතුරුවයි මහාධිකරණ විනිසුරුවරයා මෙම නියෝගය නිකුත් කළේ.
දැනට සිදු කරන විමර්ශනයකට අදාළ ව අල්ලස් කොමිසම විසින් දූෂණ විරෝධී පනත යටතේ තම කොමිසමට පැවරී තිබෙන බලතල ප්රකාර ව කෙහෙළිය රඹුක්වැල්ල මහතාගේ පවුලේ සාමාජිකයින්ට අයත් රුපියල් මිලියන 97කට අධික ස්ථාවර තැන්පතු බැංකු ගිණුම් සහ ජීවිත රක්ෂණ ඔප්පු තහනම් කරමින් නියෝගයක් නිකුත් කිරීමට තීරණය කර තිබුණා.
එම තහනම් නියෝගය තවදුරටත් දීර්ඝ කරන ලෙස අල්ලස් කොමිසම විසින් කරන ලද ඉල්ලීමක් සලකා බැලූ මහාධිකරණ විනිසුරු මංජුල තිලකරත්න ඔක්තෝබර් මස 04 වනදා තෙක් බල පැවැත්වෙන පරිදියි අදාළ බැකු ගිණුම් හා ජීවිත රක්ෂණ ඔප්පු අත්හිටුවමින් නියෝගයක් නිකුත් කළේ.
එදින මෙම විමර්ශනවල ප්රගතිය වාර්තා කරන ලෙස ද අධිකරණය නියෝග කළා.
wpDiscuz
