රට තුළ පවතින ඉන්ධන හිඟයත් සමඟ මේවනවිට කුරුණෑගල නීති විරෝධීව පෙට්‍රල් ලීටරයක් මිල රුපියල් 2000 දක්වා ඉහළට ගොස් ඇති බව වාර්තාවේ.
පවතින ඉන්ධන හිඟය ප්‍රයෝජනය ගනිමින් නීති විරෝධී ආකාරයට ඉන්ධන රැස් කර තබාගෙන සිටින පුද්ගලයන් මෙලෙස මිළ ඉහළ නංවා ඇති බව ජනතාව කියති.
වෙළදපොළ පවතින මිළට වඩා හතර ගුණයකින් පමණ වැඩිකර අසාධාරණ ලෙස එම පිරිස් මේ ආකාරයට ඉන්ධන අලෙවි කරන බවට ජනතාව චෝදනා කරති.
තවද දිවුලපිටිය බඩල්ගම ප්‍රදේශයේද ඇති ඉන්ධන පිරවුම්හල්වලින් තෙල් ලබාගෙන වැඩි මිලට අලෙවිකරන වාහන පිරිසිදු කරන ආයතනයක පුද්ගලයෙකු පිළිබඳ අප වාර්තාකරුවන් පවසනවා.
ඔහු විසින් තෙල් අර්බුදය ආරම්භ වූ දිනයේ පටන් මහා පරිමාණයෙන් මෙලෙස මෙම ඉන්ධන ජාවාරමේ නිරත වන බවයි වාර්තා වන්නේ.
පොලිසියද මේ සම්බන්ධයෙන් කිසිදු පියවරක් අනුගමනය නොකරන බවත් ඒ සඳහා ඔවුන්ගේ සහයද ලැබෙන බවත් තොරතුරු වාර්තා වනවා.
පූගොඩ ප්‍රදේශයේද පාතාලයට සම්බන්ධ පිරිස් විසින් මහජනතාව පීඩාවට පත්කරමින් දින ගණන් පෝලිම්වල පුද්ගලයන් සිටිද්දී වෙනත් පුද්ගලයන්ට ඉන්ධන ලබාදීමට මැදිහත් වන බව අප වාර්තාකරුවන් පවසනවා.
සියලු ජනතාව ඉන්ධන ගැටලුව නිසා පීඩාවට ලක්ව ඇති මොහොතකත් ඉන්ධන ගසාකමින් තම මඩිහ තරකරගන්නා මිනිස්සුන්ට නීතිය ඉටු නොවුණද සොබාදහම නිසි දඩුවම් ලබාදෙනු ඇති බව අදාල ප්‍රදේශවල පුද්ගලයන් පවසා තිබෙනවා.
