සංචාරක ශ්රී ලංකා කාන්තා ක්රිකට් කණ්ඩායම සහ නවසීලන්ත කාන්තා ක්රිකට් කණ්ඩායම අතර පැවැත්වීමට නියමිත එක්දින සහ පන්දුවාර 20 ක්රිකට් තරගාවලිය සඳහා කිවි නායිකා සොෆී ඩිවයින් එක් නොවීමට තීරණය කර තිබෙනවා.
ඒ සිය පෞද්ගලික යහපැවැත්මට ප්රමුඛත්වය දීම වෙනුවෙන් බවයි විදෙස් ක්රීඩා මාධ්ය වාර්තා කරන්නේ.
ඇය කෙටි කලකට දේශීය ක්රිකට් ක්රීඩාවෙන් විවේක ගෙන ඇති අතර WPL තරගාවලියෙන් ද ඉවත් ව ඇත්තේ සිය අවිවේකීත්වයට විරාමයක් ලබාදීම සඳහා යි.
සොෆීගේ තීරණය වෙනුවෙන් නවසීලන්ත කාන්තා ක්රිකට් කළමනාකාරීත්වය උපරිමය සහාය ලබාදීමට ද කටයුතු කර තිබෙනවා.
ඇය මීට පෙර කාන්තා සුපර් ස්මාෂ් තරගාවලියෙන් අතරමග දී ඉවත් වූ අතර “වෘත්තීය උපදෙස් ලබා ගැනීමෙන්” පසුව ඉන් පසුව පැවති කිසිදු තරගයකට එක් වූයේ නැහැ.
නවසීලන්ත ක්රිකට් කාන්තා ඉහළ කාර්ය සාධන ප්රධානී ලිස් ග්රීන් ප්රකාශයක් නිකුත් කරමින් කියා සිටියේ “ක්රීඩිකාවන්ගේ යහපැවැත්ම අපගේ ඉහළම ප්රමුඛතාවය වන අතර වෘත්තීය ක්රිකට් ක්රීඩාවට නැවත පැමිණීමට පෙර සොෆී යෝග්යතාවයෙන් හා හොඳින් සිටීම වැදගත් වනවා..” යනුවෙන්.
2024 ඔක්තෝබර් මාසයේ දී නවසීලන්ත කාන්තා ක්රිකට් ක්රීඩිකාවන් 20-20 ලෝක කුසලානය දිනා ගත් අතර 35 හැවිරිදි සොෆී ඩිවයින් ඉන්දියාවට එරෙහිව පැවති එක්දින තරගවලට ද, පර්ත් ස්කොචර්ස් වෙනුවෙන් WBBL ද ක්රීඩා කළා.
දෙසැම්බර් අග දී ඔස්ට්රෙලියාවට එරෙහිව එක්දින තරඟාවලියට ද එක් වූ සොෆී අවසන් වරට ක්රීඩා කළ සුපර් ස්මාෂ් තරගාවලියේදී (ජනවාරි 24 වන දින) කැන්ටබරිට එරෙහිව ඇය ලකුණු 13කට කඩුලු 5ක් දවා ගත්තා.
ශ්රී ලංකාව සහ නවසීලන්තය අතර එක්දින තරග 03ක් සහ T20 තරග 03ක් පැවැත්වීමට නියමිතයි.
මෙහි පළමු එක්දින තරගය මාර්තු මස 04 වැනි දා නවසීලන්තයේ දී ආරම්භ වනු ඇති.
