අමෙරිකානු ප්රාන්තයක් වන කැලිෆෝනියා වෙරළ තීරයේ රික්ටර් මාපක 7.0ක ප්රබල භූ කම්පනයක් සිදු ව තිබෙනවා.
බීබීසී පුවත් සේවය පැවසුවේ මේ සමග ම එම ප්රාන්තයේ වෙසෙන ජනතාවට සුනාමි අනතුරු ඇඟවීමේ නිවේදනයක් ද නිකුත් කර ඇති බවත් පසුව හෝරා කිහිපයකින් අනතුරුව තත්ත්වය යම් තාක් දුරකට සාමාන්යකරණය වූ පසු එරට රජය විසින් එම අනතුරු ඇඟවීම ඉවත් කරනු ලැබුවා.
එක්සත් ජනපද භූ විද්යා සමීක්ෂණයට අනුව උතුරු කැලිෆෝනියාවේ වෙරළට ඔබ්බෙන් වූ කොටසේ මිලියන 4.7ක පමණ ජනතාවක් ඇතුළත් ප්රදේශයක් වන උතුරු කැලිෆෝනියාවේ සහ දකුණු ඔරිගන් දෙකෙහිම වෙරළ තීරයට මෙම භූ කම්පනය ඇති ව තිබෙනවා.
භූමිකම්පාවේ අපකේන්ද්රීය ලක්ෂ්යය සැන් ෆ්රැන්සිස්කෝ සිට උතුරින් 260 සැතපුම් (418km) පමණ දුරින් Humboldt County හි කුඩා නගරයක් වන කැලිෆෝනියාවේ Ferndale නගරයට ආසන්නව හටගත් බවයි වාර්තා වන්නේ.
ප්රාදේශීය බලධාරීන් පැවසුවේ භූමිකම්පාවෙන් පසු කිසිදු මරණයක් හෝ විශාල හානියක් වාර්තා වී නොමැති අතර එය මේ වසරේ ගෝලීය වශයෙන් ඇති වූ රික්ටර් පරිමාණ 7ක අගයකින් යුත් භූමිකම්පා 09න් එකක් බවයි.
