බටහිර ඉන්දීය කොදෙව් දේශයෙන් මෑතක දී හඳුනාගත් වේගපන්දු යවන්නෙක් වන ෂමර් ජෝශප් 2024 අයි.පී.එල් තරගාවලිය සමඟ ගිවිසුම් ගතව තිබෙනවා.
ඒ, අනුව ඔහු ලක්නව් සුපර් ජයන්ට්ස් කණ්ඩායම සමඟ එක්ව ඇති බවයි ක්‍රීඩා මාධ්‍ය වාර්තා කරන්නේ.
ඔහු ඉන්දීය රුපියල් කෝටි 3කට සුපර් ජයන්ට් සමඟ ගිවිසුම් ගතව ඇති අතර, සුපර් ජයන්ට් කණ්ඩායමට ඔහු එක්කරගෙන ඇත්තේ එංගලන්ත වේග පන්දු යවන ක්‍රීඩක මාර්ක් වුඩ් වෙනුවටයි.
ජෝසප් හැරුණු විට, සුපර් ජයන්ට්ස් කණ්ඩායමේ වේගපන්දු යැවීමේ ලැයිස්තුවට නවීන් උල් හක්, මොහ්සින් ඛාන්, ඩේවිඩ් විලී, ශිවම් මාවි, යෂ් තාකූර් සහ යුද්වීර් සිං ඇතුළත් වනවා.
බටහිර ඉන්දීය කොදෙව් කණ්ඩායම් සහ ඕස්ට්‍රේලියාව අතර පැවති තරග දෙකකින් සමන්විත ටෙස්ට් තරගාවලියේ අවසන් තරගය කොදෙව්වන්ට ජයග්‍රහණයකරදීමට 24 හැවිරිදි නවක ක්‍රීඩක ෂමර් ජෝශප් පන්දුවෙන් දැක්වූ දක්ෂතාව හේතුවෙන් ඔහු පිළිබඳව ක්‍රිකට් ලෝකයේ අවධානය යොමුවුණා.
