සංචාරක ඕස්ට්‍රේලියානු කණ්ඩායම සමඟ තරග දෙකකින් සමන්විත ටෙස්ට් තරගාවලියට එක්වන ශ්‍රී ලංකා සංචිතය ප්‍රකාශයට පත්කර තිබෙනවා.
ක්‍රීඩකයින් 18 දෙනෙකුගෙන් සමන්විත මෙම සංචිතය සඳහා නවක ක්‍රීඩකයෙක්වන සොනාල් දිනුෂ ද එක්කර තිබීම විශේෂත්වයක්.
ඊට අමතරව තවමත් ජගත් ටෙස්ට් වරම් ලබා නොමැති ලහිරු උදාර ද මෙම සංචිතයට ඇතුළත්.
මේ අතර ආබාධ හේතුවෙන් දෙරට අතර ටෙස්ට් තරගාවලිය සඳහා එක්වීම අවිනිශ්චිත වී සිටි පැතුම් නිස්සංක සහ කමිඳු මෙන්ඩිස් නම්කර තිබෙනවා.
දෙරට අතර තරග දෙකකින් සමන්විත ටෙස්ට් තරගාවලිය එළඹෙන 29 වනදා ආරම්භ වීමට නියමිතයි.
තරගාවලිය සඳහා ඕස්ට්‍රේලියානු කණ්ඩායම අද (24) දිනයේ දිවයිනට පැමිණීමට නියමිතයි.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
