මීගහකිවුල, අග්ගලාඋල්පත ගම්මානයට ඉහළින් පිහිටි කැලෑව තුළ පවතවාගෙන ගිය නීතිවිරෝධී මත්පැන් නිෂ්පාදනය කරන ස්ථානයක් වැටලීමට පොලිස් නිලධාරීන් පිරියක් අද (26) දහවල් එහි ගොස් තිබෙනවා.
එලෙස කැලය තුළට ගිය පොලිස් නිලධාරිගෙන් එක් නිලධාරියෙකුට බඳින තුවක්කුවක් පත්තු වී බරපතල තුවාල ලබා ඇති බව වාර්තා වනවා.
එලෙස බරපතල තුවාල ලැබූ පොලිස් නිලධාරියා මීගහකිවුල රෝහලට ඇතුළත් කිරීමෙන් පසු බදුල්ල ශික්ෂණ රෝහලට මාරුකර යවා ඇති බවයි තොරතුරු වාර්තා වුණේ.
බඳින තුවක්කුවක් පත්තු වී මෙලෙස බරපතල තුවාල ලබා ඇත්තේ කන්දකැටිය පොලිසියට අනුයුක්තව සේවයේ නියුතු 36 හැවිරිදි නිලධාරියෙක්.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
