කරාපිටිය රෝහලේ සායනයකට පැමිණ සිටි මවකට සහ ඇයගේ 14 හැවිරිදි දියණියට මානසික ලිංගික අතවර සිදු කිිම සම්බන්ධයෙන් අත්අඩංගුවට ගත් සැකකරුවෙකු ලබන 07 වනදා දක්වා රක්ෂිත බන්ධනාගාර ගතකරන ලෙස ගාල්ල අතිරේක මහේස්ත්‍රාත් ලක්මිණි විදානගමගේ මහත්මිය නියෝග කළා.
එලෙස රක්ෂිත බන්ධනාගාර ගතකරන කරනු ලැබුවේ ගොඩකන්ද ප්‍රදේශයේ පදිංචි 45 හැවිරිදි පුද්ගලයෙක්.
පැමිණිලිකාර මව සිය සැමියා,14 හැවිරිදි දියණිය සහ මාස තුනක් වයස කුඩා දරුවා ද රැගෙන කරාපිටිය රෝහලේ සායනයකට පැමිණ ඇති අතර ඔවුන් රෝහලට ගිය පසු සැමියා ත්‍රි රෝද රථයෙන් ආපසු නිවසට ගොස් තිබෙනවා.
මේ අතර ඔවුන් සායනය පටන්ගන්නා තෙක් බංකුවක වාඩිවි සිටියදි ඉදිරිපස බංකුවක වාඩිවි දියණිය දෙස බලමින් ලිංගික ක්‍රියාකාරකමක සැකකරු යෙදෙන අයුරු මව විසින්ද දැක තිබෙනවා.
පසුව ඇය ඒ අසල වෙනත් බංකුවක සිටි පිරිසකට මේ බව පැවසිමෙන් පසු සැකකරු දිව යාමට පටන්ගෙන් ඇති අතර පසුව පිරිස ඔහු පසුපස එලවා ගොස් අල්ලාගෙන රෝහලේ පොලිස් මුරපොලට බාරදි තිබුණා.
ගාල්ල පොලිසියේ ළමා හා කාන්තා කාර්යාංශය විසින් සැකකරු අධිකරණයට ඉදිරිපත් කළා.
