කමාන්ඩෝ කවිෂ්ක ඝාතනය කරන්න කුඩු සලිදුගේ ගෝලයා බන්ධනාගාරය තුළට සයිනයිට් ගෙනත්

බන්ධනාගාර නිලධාරීන්ට ලද තොරතුරක් මත අගුනුකොළපැලැස්ස බන්ධනාගාරය පරික්ෂා කිරීමේදී සයිනයිට් අඩංගු කුඩා බෝතලයක් සොයා ගැනීමට හැකිවී තිබෙනවා.

දැනට විදෙස් රටක සැගව සිටින කුඩු සලිඳු නැමැත්තාගේ ගෝලයෙකු බව කියන තරිඳු මදුශංක නැමැත්තා සතුව තිබී මෙම සයිනයිට් සොයා ගත් බව බන්ධනාගාර මූලස්ථානය පවසනවා.

බන්ධනාගාර නිලධාරීන් සිදු කළ විමර්ශනයේදී හෙළි වී ඇත්තේ කමාන්ඩෝ කවිෂ්ක කුමාර නැමැත්තා ඝාතනය කිරීම සඳහා මෙම සයිනයිට් බන්ධනාගාරයට ගෙන ආ බවයි.

බන්ධනාගාර තුළට ගෙන ආ මෙම සයින්යිට් පරික්ෂා කිරීමට මෙම පිරිස කටුස්සෙක් අල්ලාගෙන කටුස්සට එන්නත් කර ඇති අතර කටුස්සා මිය ගොස් ඇති බව අනාවරණය වනවා.

බන්ධනාගාර තුළට මෙම සයිනයිට් ගෙන ආ ආකාරය පිළිබදව බන්ධනාගාර මූලස්ථානය පරීක්ෂණ පවත්වනවා.