කඳුරට ජනතා බලයේ සහාය මාලිමාවට

2024 ජනාධිපතිවරණයේ කඳුකර ජනතා බලයේ සහාය ජාතික ජන බලවේගයේ ජනාධිපති අපෙක්ෂක අනුර කුමාර දිසානායකට ලබාදෙන බව එම පක්ෂයේ නායක රාමන් සෙන්දුරන් අද (10) දින හැටන් කොටගල පෞද්ගලික උත්සව ශාලාවක දී මාධ්‍ය
හමුවක් පවත්වමින් ප්‍රකාශ කර තිබෙනවා.

කඳුරට ජනතා බලයේ නායකයා සමග එහි ක්‍රියාකාරී සමාජිකයන් පිරිසක් මාධ්‍ය හමුවේ දී අදහස් දක්වමින් කියා සිටියේ වසර 40 කට ආසන්න කාලයක් මේ රටේ විවිධ දේශපාලන පක්ෂවලට අයත් පුද්ගලයින් රටේ නායකත්වයට පත් වුවද ඉන් කිසිඳු නායකයෙකු වතුකරයේ ජනතාවගේ ආර්ථිකය ඉහළ දැමිමට හෝ ඔවුන්ගේ යටිතල පහසුකම් ඉහළ දැමිමට මෙතෙක් පියවර ගෙන නොමැති බවයි.

තවදුරටත් එම නායකයින්ට මුලා නොවී කඳුරට ජනතා බලයේ සහය අනුර කුමාර දිසානායක මහතාට ලබාදිමට තිරණය කල බවත්, ඒ අනුව අනුර කුමාර දිසානායක මහතා මේ රටේ ජනාධිපතිවරයා වශයෙන් පත් කිරිමට වතුකරයේ ජනතාවගේ ජන්දය ඔහු වෙත ලබාදෙන බවයි රාමන් සෙන්දුරන් මහතා වැඩිදුරටත් කියා සිටියේ.