කඩේට බඩු දාද්දි ලොරියක් උඩට පස් කන්දක් කඩා වැටෙයි (ඡායාරූප)

හැටන් නගරයේ පිහිටි වෙළෙඳසැලක් අසල නවතා තිබූ ලොරි රථයක් මතට පස් කන්දක් කඩා වැටී තිබෙනවා.

ඉන් එම ලොරි රථයේ ඉදිරිපස කොටස පස්වලින් සම්පුර්ණයෙන් ම යට වී ඇති බවයි හැටන් පොලිසිය සඳහන් කළේ.

හැටන් ප්‍රදේශයට ඇද හැලෙන අධික වර්ෂාවත් සමග අද (26) දින ලොරි රථය නවතා තිබූ ස්ථානයට ඉහළින් පිහිටි පස් කන්දක් පස්වරු 2 ට පමණ මෙලෙස කඩා වැටී තිබෙනවා.

ලොරි රථයේ ඉදිරිපස කොටස සම්පුර්ණයෙන් ම යට වී ඇති බවයි පොලිසිය කියා සිටියේ.

පස් කන්ද කඩා වැටුණු අවස්ථාවේ ලොරි රථය තුළ කිසිවෙකු සිට නොමැති බවත්, ලොරි රථය නවතා එම වෙළෙඳසැලට රැගෙනවිත් තිබූ ආහාර ද්‍රව්‍ය ඉවත් කරමින් සිටින අවස්ථාවේ දී මෙම අනතුර සිදු ව ඇති බවත් වාර්තා වනවා.

පස් කන්ද කඩා වැටීමෙන් ලොරි රථයේ ඉදිරිපස කොටසට දැඩි අලාභ හානි සිදු ව ඇති බවයි අප ප්‍රාදේශීය වාර්තාකරු සඳහන් කළේ.