රුපියල් තුන් කෝටි හතළිස් ලක්ෂයක් වටිනා හෙරොයින් මත්ද්රව්ය සමඟ විදෙස් ජාතිකයෙක් කටුනායක ගුවන් තොටුපොළේ දී අත්අඩංගුවට ගෙන තිබෙනවා.
ගුවන්තොටුපොළ රේගු මත්ද්රව්ය පාලන අංශයේ නිලධාරීන් විසින් මෙම විදෙස් ජාතික ගුවන් මගියා ඊයේ (26) පස්වරුවේ අත්අඩංගුවට ගෙන ඇති බවයි වාර්තා වුණේ.
අත්අඩංගුවට ගැනුණු සැකකරු 32 හැවිරිදි ඉන්දීය ජාතික කරණවෑමියෙක් බවයි වී ඇත්තේ.
මෙම සැකකරු ඊයේ (26) පස්වරු 04.15ට මැලේසියාවේ ක්වාලාලම්පූර් නුවර සිට ශ්රී ලන්කන් ගුවන් සේවයේ යූ.එල්.- 315 දරණ ගුවන් යානයෙන් කටුනායක ගුවන් තොටුපොළ වෙත පැමිණ තිබුණා.
ඔහු විසින් රැගෙන ආ ගමන් මලු තුළ හෙරොයින් කිලෝ ග්රෑම් 02යි ග්රෑම් 832ක ප්රමාණයක් සඟවා තිබිය දී රේගු මත්ද්රව්ය පාලන අංශයේ නිලධාරීන් විසින් අත්අඩංගුවට ගෙන තිබෙනවා.
සැකකාර ගුවන් මගියා පළමු වතාවට මෙරටට පැමිණ ඇති අතර, මෙම මත්ද්රව්ය තොගය බම්බලපිටිය ප්රදේශයේ හෝටලයක දී මෙරට මත්ද්රව්ය නියෝජිතයන් වෙත භාරදීමට සැළසුම් කර තිබූ බවයි අනාවරණය වී ඇත්තේ.
අත්අඩංගුවට ගැනුණු සැකකාර ඉන්දීය ජාතිකයා අද (27) දිනයේ මීගමුව මහේස්ත්රාත් අධිකරණය වෙත ඉදිරිපත් කිරීමට නියමිතව තිබෙනවා.
