ඖෂධ, ඉන්ධන සහ පොහොර නොමැතිව මෙරට ජනතාව දුක් විඳි අතීතය කිසිලෙසකින් අමතක නොකළ යුතු බව ජනාධිපති රනිල් වික්රමසිංහ පවසනවා.
ජනාධිපතිවරයා මේ බව සඳහන් කර සිටියේ ඊයේ (20) පස්වරුවේ බොරලැස්ගමුව ගෝල්ඩන් රෝස් හෝටලයේ පැවති සමස්ත ලංකා පෞද්ගලික ඖෂධ ශාලා හිමියන්ගේ සංගමයේ 09 වන සම්මේලනය අමතමින්.
නිදහස් සෞඛ්ය සේවාව රැක ගැනීම වෙනුවෙන් මෙවර අයවැයෙන් ඉතිහාසයේ වැඩිම මුදල වෙන් කළ බව ද ජනාධිපතිවරයා සඳහන් කළා.
කොරෝනා සහ ආර්ථික අර්බුදය හමුවේ පැන නොගොස් රට වෙනුවෙන් වගකීම් ඉටු කළ ඖෂධ ශාලා හිමියන්ගේ සංගමයට මෙම සම්මේලනය අමතමින් ජනාධිපතිවරයා සිය ප්රණාමය පුද කිරීමට ද අමතක කළේ නැහැ.
ඖෂධ, ඉන්ධන සහ පොහොර සපයා ගත නොහැකිව දුක්විඳි අතීතය කිසිවෙකු අමතක නොකළ යුතු බවත්, මතු පරපුරට එවන් අඳුරු අත්දැකීමකට ඉඩ නොතබා නව ආර්ථික පරිවර්තනයක් තුළින් ශ්රී ලංකාව ගොඩනැගීමට රජය ඉදිරිපත් කර ඇති වැඩපිළිවෙළ සමග සියලු දෙනා එක්විය යුතු බවත් ජනාධිපතිවරයා මෙහිදී වැඩිදුරටත් සඳහන් කළා.
2015 නව ඖෂධ පනත සම්මත කිරීමත් සමග සමස්ත ලංකා පෞද්ගලික ඖෂධ ශාලා හිමියන්ගේ සංගමය ස්ථාපිත කෙරුණා.
රට තුළ ඖෂධ මිල පාලනයට සහ කිසිදු ඖෂධ හිඟයක් ඇති නොවන ලෙස කටයුතු කිරීමේ දී කොන්දේසි විරහිත කාර්යභාරයක් ඉටු කරන මෙම සංගමය රජයේ වකුගඩු අරමුදල සහ සෞඛ්ය අරමුදල ශක්තිමත් කිරීම ඇතුළු සමාජ සත්කාර රැසක් සඳහා සිය දායකත්වය ලබා දී තිබෙන්නක්.
