2025 කාන්තා ක්රිකට් ලෝක කුසලාන තරගාවලියේ ශ්රී ලංකාව සහ ඕස්ට්රේලියාව අතර තරගය අද (04) පැවැත්වෙනවා.
කොළඹ ආර් ප්රේමදාස ක්රීඩාංගනයේ දී පැවැත්වෙන මෙම තරගය, මෙවර තරගාවලියේ පස්වන තරගයයි.
ලෝක කුසලාන තරගාවලියේ ශ්රී ලංකාව සහභාගී වූ පළමු තරගය ඉන්දියාව හමුවේ ලකුණු 59 කින් පරාජයට පත්වූ අතර,
ඕස්ට්රේලියාව සහභාගී වූ තරගය නවසීලන්තය පරාජය කරමින් ලකුණු 89කින් ජයගත්තා.
මේ අතර ශ්රී ලංකාව සහ ඕස්ට්රේලියාව අතර ජාත්යන්තර එක්දින තරග 11ක් පවත්වා ඇති අතර, එම තරග සියල්ලම ජය ගැනීමට ඕස්ට්රේලියාව සමත්ව සිටිනවා.
ඕස්ට්රේලියානු කාන්තා ක්රිකට් කණ්ඩායම අවස්ථා 07 කදී එක්දින ලෝක කුසලානය ජයග්රහණය කර ඇති අතර, වත්මන් ලෝක ශූරියන් වන්නේ ද ඕස්ට්රේලියානු කණ්ඩායමයි.
දෙරට අතර අද (04) තරගය මෙරට වේලාවෙන් පස්වරු 3.00ට ආරම්භ වන අතර, ශ්රී ලංකා ක්රීඩිකාවන් ඕස්ට්රේලියාවර එරෙහිව සිය කුළුඳුල් එක්දින තරග ජයග්රහණය සොයා පිටියට පිවිසෙනු ඇති.
මේ අතර කාන්තා ලෝක කුසලාන තරගාවලියේ කොළඹ ආර් ප්රේමදාස ක්රීඩාංගනයේ දී පැවැත්වෙන සියලු තරග නොමිලේ නැරඹීමේ අවස්ථාව ප්රේක්ෂනයින්ට හිමිවනවා.
