ඉන්ධන මිල ගැන කඩිනමින් තීරණයක් ගත යුතුයි – ජනපති පාර්ලිමේන්තුවේ දී කියයි (වීඩියෝ)

එක ඩොලරයකින් ඉන්ධන මිල ඉහළ ගියහොත් මෙරට වෙළඳපොළේ ඉන්ධන මිල රුපියල් දෙකකින් ඉහළ යෑමක් සිදුවන බව ජනාධිපති අනුර කුමාර දිසානායක පවසනවා.

පාර්ලිමේන්තුවේ දී අද (20) විශේෂ ප්‍රකාශයක් සිදුකරමින් ජනාධිපතිවරයා මේ බව සඳහන් කළා.

මේ අතර ලෝක වෙළෙඳපොළේ බොරතෙල් මිල ඉහළ යාම සහ අනෙකුත් රටවල්වල ඉන්ධන මිල ගණන් ඉහළ යාම හමුවේ මෙරට ඉන්ධන මිල සම්බන්ධයෙන් ද ජනාධිපතිවරයා මෙහිදී පැහැදිලි කිරීමක් ද සිදුකළා.

එහිදී ජනාධිපතිවරයා පවසා සිටියේ මෙරට ඉන්ධන අවශ්‍යතාවෙන් 57%ක් තෙල් සංස්ථාව විසින් සහ පෞද්ගලික අංශය මඟින් 43%ක් සපුන බවයි.

ඒ, අනුව පෞද්ගලික අංශය විසින් මෙරට රැගෙන එනු ලබන ඉන්ධන සඳහා මේ මොහෙතේ පවතින මිල ගණන් ඉල්ලා ඇති බවත්, ඒ අනුව ඉන්ධන මිල සම්බන්ධව කඩිනමින් තීරණයක් ගත යුතුව ඇති බවත් වැඩිදුරටත් සඳහන් කර සිටියා.

“ඔවුන් කියන්නේ මොකක්ද ඔවුන් කියන්නේ මේ මොහොතේ ගේන තෙල්වලට මේ මොහොතේ තිබෙන මිල දෙන්නේ නැත්නම් අපි ගේන්නේ නෑ කියලා. ඒක සාධාරණයි. ඔවුන්ගේ ගණනය අනුව එක නැවකින් ඔවුන්ට පාඩු වෙනවා ඩොලර් මිලියන 55ක්. එහෙම පාඩු වෙන්න කවුරුත් තෙල් ගෙන්නේ නෑ. මේ ඉන්ධන සැපයුම්වලට පෞද්ගලික අංශයේ දායකත්වය අවශ්‍යයි. හැබැයි ඔවුන් දායකත්වය ලබා දෙන්නේ ඔවුන්ගේ කොස්ට් එකට අනුව විකුණගන්න ලැබුණොත් විතරයි. ඉන්ධන මිල පිළිබඳව අපි ඉතා ඉක්මනින් සැලකිල්ලට ලක් කළ යුතුයි.”