ඒ.ආර්. රහ්මාන් රෝහල් ගත කෙරේ

සුප්‍රසිද්ධ ඉන්දීය සංගීතඥ ඒ.ආර්. රහ්මාන් රෝහල ගත කර තිබෙනවා.

පපුවේ වේදනාවක් හේතුවෙන් ඔහු මෙලෙස රෝහල් ගතකර ඇති බවයි ඉන්දීය මාධ්‍ය වාර්තා කරන්නේ.

ඒ.ආර්. රහ්මාන් ඊයේ (15) රාත්‍රියේ චෙන්නායි හි ඇපලෝ රෝහලේ හදිසි ප්‍රතිකාර ඒකකයට මෙලෙස ඇතුළත් කර ඇති බවයි තොරතුරු වාර්තා වන්නේ.

කෙසේ වෙතත් වෛද්‍යවරුන්ට අනුව, එය විජලන තත්ත්වයක් නිසා ඇතිවූවක් බවත්, ඔහු රාමසාන් උපවාසයේ ද යෙදී සිටි බවත් ඉන්දීය මාධ්‍ය වැඩිදුරටත් තොරතුරු වාර්තා කරනවා.

මේ අතර රෝහල් ආරංචි මාර්ග පවසා ඇත්තේ ඔහුව ඇන්ජියෝග්‍රෑම් පරීක්ෂණයකට භාජනය කරන බවයි.

ඒ.ආර්. රහ්මාන් මෙලෙස හදිසියේ රෝගාතුර වී ඇත්තේ ලන්ඩනයේ සිට ආපසු පැමිණීමෙන් පසුවයි.