මේවන විට කොවිඩ් 19 එන්නත්කරණ වැඩපිළිවෙල බස්නාහිර පළාත ඇතුළු තවත් පළාත් තුනක සිදුකරමින් පවතී. මෙලෙස රජය විසින් නිසි වැඩපිළිවෙලකට එන්නත්කරණ වැඩසටහන සිදුකරන අතර ඇතැම් ස්ථාන කිහිපයක උණුසුම් තත්ත්වයන් වාර්තා වී තිබුණි.
එහි සිදු වූ ආසන්න සිදුවීම වූයේ අද(27) මොරටුව ප්රදේශයේ ජනතාවට කොරෝනා එන්නත ලබා දීමේදී තමන් නිකුත් කළ තුණ්ඩු අනුව එන්නත් ලබා දිය යුතු බවට මොරටු නගරාධිපති සමන් ලාල් ප්රනාන්දු මහතා ප්රකාශ කිරීමත් සමග එහි ඉතා උණුසුම්කාරී වාතාවරණයක් මතුවීමයි.
එහිදී මොරටුව සෞඛ්ය වෛද්ය නිලධාරී කාර්යාලයේ නිලධාරීන් සහ රජයේ සෞඛ්ය අංශ ප්රධානීන් පැමිණ එන්නත ජනතාවට ලබා දීමට සූදානම් වුවද නගරාධිපතිවරයා එම ස්ථානයට පැමිණ තමන් නිකුත් කළ තුණ්ඩුවලට එන්නත ලබා දිය යුතු බව ප්රකාශ කළත් සෞඛ්ය අංශ ප්රධානීන් ඊට විරෝධය පළ කිරීමට පියවර ගෙන තිබිණ.
එහිදී මොරටු නගරාධිපතිවරයා රාජ්ය නිලධාරීන් පමණක් නොව ජනතාවද අසරණ කරමින් කටයුතු කරන ආකාරයක් දැකගත හැකි විය.
රටේම ජනතාව කොවිඩ්19 වසංගතයට මුහුණ දෙමින් සිටින මොහොතක එන්නත්කරණ වැඩපිළිවෙලටද දේශපාලනඥයින් මැදිහත්වීම ජනතාව පිළිකුල් ලෙස හෙළා දකී.
මොරටුවේදී අද ඇතිවූ සිද්ධිය පිළිබඳ රජයේ වෛද්ය නිලධාරීන්ගේ සංගමයේ සහකාර ලේකම් වෛද්ය නවින්ද සොයිසා මහතා ඒෂියන් මිරර් වෙත පැවසූවේ එම සිද්ධිය පිළිබඳ මොරටුව සෞඛ්ය වෛද්ය නිලධාරිවරයාගෙන් වාර්තාවක් ඉල්ලූ බවයි.
කුමන බාධා පැමිණියද එන්නත්කරණ වැඩපිළිවෙල වෛද්ය නිලධාරීන්ගේ මූලිකත්වයෙන් සිදුකරමින් පවතින බවද එන්නත්කරණ වැඩසටහනටත් දේශපාලනය මැදිහත්වීම අනුමත කළ නොහැකි දෙයක් බවත් වෛද්යවරයා වැඩිදුරටත් පැවසීය.
