මෝටර් රථ ප්‍රවාහන දෙපාර්තමේන්තුව මඟින් එක්දින සේවාව යටතේ දෛනිකව නිකුත් කරනු ලබන රියදුරු බලපත්‍ර කාඩ්පත් සංඛ්‍යාව සීමා කිරීමට තීරණය කර ඇති බව වාර්තා වනවා.
ඒ, අනුව එක්දින සේවාව යටතේ දෛනිකව නිකුත් කරනු ලබන රියදුරු බලපත්‍ර කාඩ්පත් සංඛ්‍යාව 50ක් දක්වා සීමා කිරීමටයි එම දෙපාර්තමේන්තුව තීරණය කර ඇත්තේ.
පසුගිය දිනවල හිඟයක්ව පැවති රියදුරු බලපත්‍ර නිකුත් කිරීමට අවශ්‍ය කාඩ් පත් මේ වන විට ලැබී ඇති බවයි මෝටර් රථ ප්‍රවාහන කොමසාරිස් ජනරාල්වරයා පැවසුවේ.
ඒ, අනුව තාවකාලිකව නිකුත් කළ බලපත්‍ර සඳහා ප්‍රමුඛත්වය ලබාදෙමින් රියදුරු බලපත්‍ර කාඩ්පත් නිකුත් කරන බවයි ඔහු වැඩිදුරටත් සඳහන් කර සිටියේ.
රියදුරු බලපත්‍ර මුද්‍රණය කිරීමට අවශ්‍ය කාඩ්පත් නොමැතිවීම හේතුවෙන් පසුගිය දිනවල දී තාවකාලික රියදුරු බලපත්‍ර පත්‍රිකාවක් ලෙස රියදුරු බලපත්‍ර නිකුත් කරනු ලැබුවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
16
