සංචාරක නවසීලන්ත කණ්ඩායම සහ ශ්රී ලංකාව අතර තරග තුනකින් සමන්විත එක්දින තරගාවලියට අද ආරම්භ වනවා.
දඹුල්ල ජාත්යන්තර ක්රිකට් ක්රීඩාංගණයේ දී පැවැත්වෙන මෙම තරගය ආරම්භ වන්නේ පස්වරු 2.30 ටයි.
දඹුල්ල ජාත්යන්තර ක්රිකට් ක්රීඩාංගණයේ දී එක්දින තරගය පැවැත්වෙන්නේ වසට 06කට පසු වන අතර,එම ක්රීඩාංගණයේ අවසන් වරට එක්දින තරගයක් පවත්වා ඇත්තේ 2018 වසරේ ඔක්තෝම්බර මාසයේ දීයි.
ජාත්යන්තර එක්දින පිටිය තුළ ශ්රී ලංකාව සහ නවසීලන්තය අවස්ථා 102 ක දී එකිනෙකා මුණගැසී ඇති අතර, ඉන් තරග 52ක ජය නවසීලන්ත සතු වෙද්දී ශ්රී ලංකාව තරග 41ක ජය හිමිකරගෙන තිබෙනවා.
තරග අටක් අවසන්ව ඇත්තේ ජය පරාජයෙන් තොරවයි.
මේ අතර මෙම තරගාවලිය ශ්රී ලංකා ක්රීඩක වනිඳු හසරංගට අබාධයක් හේතුවෙන් අහිමිව ගොස් ඇති අතර, ඔහු වෙනුවට දුෂාන් හේමන්ත ශ්රී ලංකා සංචිතයට කැඳවීමටයි කටයුතු කර ඇත්තේ.
එමෙන්ම නවසීලන්ත ක්රීඩක ලොකී ෆ්රගියුසන් ද එක්දින තරගාවලියෙන් ඉවත් වුණේ ආබාධයක් හේතුවෙන්.
ෆර්ගියුසන්ට එක්දින තරගාවලිය අහිමිවීමත් සමඟ ඇඩම් මිල්න් නවසීලන්ත එක්දින සංචිතයට කැඳවා තිබෙනවා.
