136 වන පුරාවිද්යා දිනය නිමිත්තෙන්ම දිවයින පුරා පුරාවිද්යා ස්ථාන දහසක් සංරක්ෂණය කිරීමේ ජාතික වැඩසටහන සහ “පුරාවිද්යා දෙසතිය” ආරම්භ කිරීමේ උත්සවය අද (07) කොළඹ පදනම් ආයතනයේ දී පැවැත්වුණා.
ඒ අනුව “උරුමයට ජීවයක් “යන තේමාව යටතේ පුරාවිද්යා දෙසතිය අද සිට ආරම්භ වනවා.
මෙවර පුරාවිද්යා දෙසතිය තුළ, දැනට හඳුනාගෙන ඇති පුරාවිද්යා ස්ථාන 100ක සංරක්ෂණ හා කැණීම් කටයුතු ප්රථම පියවර ලෙස ආරම්භ කරනු ලබනවා.
මහාචාර්ය රාජ් සෝමදේව විසින් මෙහිදී ප්රධාන දේශනය සිදු කරනු ලැබුවා.
බුද්ධ ශාසන ආගමික හා සංස්කෘතික කටයුතු අමාත්ය හිනිදුම සුනිල් සෙනෙවි, බුද්ධ ශාසන ආගමික හා සංස්කෘතික කටයුතු නියෝජ්ය අමාත්ය ගමගෙදර දිසානායක, පුරාවිද්යා අධ්යක්ෂ ජනරාල් ඊ.ඒ.සෙනරත් වික්රමසිංහ. බුද්ධ ශාසන, ආගමික හා සංස්කෘතික කටයුතු අමාත්යාංශයේ ලේකම් ඩබ්ලිව්. ප්රින්ස් සේනාධීර ඇතුළු දිවයින පුරා පුරා විද්යා ස්ථාන නියෝජනය කරමින් පුරාවිද්යා නිලධාරීන් මෙම අවස්ථාවට සහභාගි වී සිටියා.
