සංචාරක ඉන්දීය කණ්ඩායමට එරෙහිව පැවැත්වෙන තුන්වැනි සහ අවසන් එක්දින තරගය අද (07) පස්වරු 2.30ට පැවැත්වෙනවා.
ඒ කොළඹ ආර්. ප්රේමදාස ක්රීඩාංගණයේ දීයි.
අද පැවැත්වෙන අවසන් එක්දින තරගය දෙපිළට ම තීරණාත්මක වනු ඇති.
ඒ මේ වනවිට පළමු තරගය ජය පරාජයෙන් තොරව අවසන් වීමත්, දෙවැනි තරගය ශ්රී ලංකා කණ්ඩායම ඉන්දියාව පරදා ලකුණු 32කින් ජය ගැනීම හේතුවෙන් මෙම තරගය ජය ගැනීම දෙපිළට ම තීරණාත්මක වනවා.
ශ්රී ලංකා කණ්ඩායමේ නායකත්වය චරිත් අසලංක විසින් මෙහෙයවනු ලබන අතර රෝහිත් ෂර්මා ඉන්දීය කණ්ඩායම මෙහෙයවනු ලබනවා.
මේ අතර ඉන්දීය ක්රිකට් කණ්ඩායමෙන් බිහි වූ ප්රවේගකාරී පිතිකරුවෙකු වන විරාට් කෝලි මෙරට දී ක්රීඩා කරන සිය අවසන් ජාත්යන්තර එක්දින තරගය ලෙස ද අද තරගය ඉතිහාසගත වනු ඇති.
විරාට් කෝලි සිය මංගල ජාත්යන්තර එක්දින ක්රිකට් වරම් දිනා ගත්තේ ද ශ්රී ලංකාවට එරෙහිව 2008 වර්ෂයේ දඹුල්ලේ පැවැති එක්දින තරගාවලියට එක්වෙමින් වන අතර; ඔහු සිය එක්දින ක්රිකට් රටාවට සමුදෙන්නේ ද ශ්රී ලංකාවට එරෙහිව පැවැත්වෙන තරගාවලියකින් වීම ද අද තරගයේ තවත් සුවිශේෂීත්වයක්.
අද තරගය ශ්රී ලංකාව ජය ගතහොත් එය ඉන්දියාවට එරෙහිව ශ්රී ලංකාව වසර 27කට පසුව දිනූ එක්දින තරගාවලි ජය ද වනු ඇති.
