උත්තර් ප්රදේශ් ප්රාන්තයේ ග්රේටර් නොයිඩා හි රජයේ වෛද්ය විද්යා ආයතනය (GIMS) ඉන්දියාවේ රජය විසින් පවත්වාගෙන යනු ලබන පළමු කෘතිම බුද්ධි (AI) සායනය ආරම්භ කර ඇති අතර එය මහජන සෞඛ්ය සේවාවට උසස් තාක්ෂණය ඒකාබද්ධ කිරීමේ ප්රධාන පියවරක් සනිටුහන් කරනවා.
විශේෂඥයින් පවසන්නේ මෙම මුලපිරීම මගින් විශේෂයෙන් පිළිකා සහ හෘද, වකුගඩු සහ අක්මා රෝග වැනි තත්ත්වයන් සඳහා රෝග මූලය හඳුනාගැනීම, රෝග විනිශ්චය සහ ප්රතිකාර කළ හැකි බවයි.
ටයිම්ස් ඔෆ් ඉන්ඩියා හි වාර්තාවකට අනුව, සායනය මුල් අවධියේදී රෝග හඳුනාගැනීමට, රුධිර පරීක්ෂණ විශ්ලේෂණය කිරීමට, ස්කෑන් අර්ථ නිරූපණය කිරීමට සහ සුවවීමේ ප්රතිඵල පුරෝකථනය කිරීමට ජානමය පරීක්ෂාව සමඟ කෘතිම බුද්ධිය ඒකාබද්ධ කරනු ඇති.
GIMS හි අධ්යක්ෂ බ්රිගේඩියර් (ආචාර්ය) රාකේෂ් කුමාර් ගුප්තා පැවසුවේ පුළුල් පරාසයක රෝග විනිශ්චය යෙදවුම් විශ්ලේෂණය කිරීමට සායනය AI භාවිත කරන බවයි.
AI මෙවලම් X-කිරණ, අල්ට්රා සවුන්ඩ්, CT ස්කෑන්, MRI වාර්තා සහ රසායනාගාර පරීක්ෂණ අර්ථ නිරූපණය කිරීමට සහාය වන අතර, රෝග විනිශ්චය කිරීමේ නිරවද්යතාවය සහ වේගය වැඩි දියුණු කිරීමට වෛද්යවරුන්ට උපකාරී වනවා.
AI සායනයක් රෝග විනිශ්චය, ප්රතිකාර සැලසුම් කිරීම සහ රෝගී කළමනාකරණය සඳහා වෛද්යවරුන්ට සහායවීම සඳහා උසස් ඇල්ගොරිතම සහ ස්වයංක්රීයකරණය භාවිත කරනවා.
එවැනි සායන ස්වාධීන ඒකක හෝ ඒකාබද්ධ රෝහල් දෙපාර්තමේන්තු ලෙස ක්රියා කළ හැකි අතර, එහිදී AI පද්ධති සායනික තීරණ ගැනීම සඳහා තත්ය කාලීනව රෝගීන්ගේ දත්ත විශ්ලේෂණය කරනු ලබනවා.
විශාලතම වාසියක් වන්නේ විශේෂඥයින් ලබාගැනීමේ හැකියාව සීමිත දුරස්ථ සහ අඩු සේවා ප්රදේශවල ගුණාත්මක සෞඛ්ය සේවා සඳහා ප්රවේශය වැඩිදියුණු කිරීමයි.
