ඩොමිනිකා රාජ්‍යයේ පොදුරාජ්‍යය මණ්ඩලයෙන් ඉන්දීය අගමැති නරේන්ද්‍ර මෝදිට ගෞරව සම්මානයක් පිරිනමා තිබෙනවා.
ඉන්දීය විදෙස් මාධ්‍ය වාර්තා කළේ ඩොමිනීයන් ඉහළතම ජාතික ගෞරව නාමය මෙලෙස ඉන්දීය අගමැතිවරයා වෙත පිරිනමා ඇති බවයි.
කොවිඩ් 19 වසංගතය තුළ ඉන්දියාව සහ ඩොමිනිකාව අතර පැවති අන්තර් සබඳතාව ශක්තිමත් කිරීම සඳහා මෝදි අගමැතිවරයාගේ ක්‍රියාකලාපය ඇගයීමටයි මෙම සම්මානය ප්‍රදානය කිරීමේ අරමුණ වී ඇත්තේ.
ඩොමිනිකා ජනාධිපති සිල්වනි බර්ටන් විසින් අගමැති මෝදි වෙත මෙම සම්මානය පිරිනමනු ලැබුවා.
සිය ත්‍රි-ජාතික සංචාරයේ අවසන් අදියරේ ගයානා වෙත ගොස් සිටින ඉන්දීය අග්‍රාමාත්‍යවරයාට පෙරේදා (20) ගයානා ජනාධිපති ඉර්ෆාන් අලි විසින් ‘ද ඕඩර් ඔෆ් විශිෂ්ටත්ව’ සම්මානය ද පිරිනැමීම විශේෂත්වයක්.
ගයනා සහ ඩොමිනිකා රාජ්‍යය්න් කොවිඩ්-19 වසංගතය අතරතුර ඉන්දීය අගමැතිවරයාගේ කැපවීම සහ ද්විපාර්ශ්වික සබඳතා සවිමත් කිරීම වෙනුවෙනුයි මෙලෙස ගෞරව සම්මාන පිරිනමා ඇත්තේ.
