2040 වන විට සඳ මතට ගගනගාමියෙකු යැවීමට අපේක්ෂා කරන බව ඉන්දීය රජය පවසනවා.
අභ්යවකාශ ක්ෂේත්රයේ ඉන්දීය ඉලක්කවලට අනුව 2035 වන විට අභ්යවකාශ මධ්යස්ථානයක් ස්ථාපිත කිරීමේ සැලසුම් ද ඇතුළත්.
අග්රාමාත්ය නරේන්ද්ර මෝදි අඟහරුවාදා මෙම අභිලාෂයන් ප්රකාශයට පත් කළ අතර, සිකුරු සහ අඟහරු වෙත මෙහෙයුම් ආරම්භ සඳහා ද කටයුතු කරන ලෙසටයි ඔහු විද්යාඥයන්ගෙන් ඉල්ලා සිටියේ.
පසුගිය අගෝස්තු මාසයේදී ඉන්දියාව සඳෙහි දක්ෂිණ ධ්රැවයට අභ්යවකාශ යානයක් ගොඩ බැස්සවූ පළමු රට බවට පත් වූ අතර සැප්තැම්බර් මාසයේදී ඔවුන් සූර්යයා අධ්යයනය කිරීම සඳහා ද යානයක් පිටත් කර යවනු ලැබුවා.
ඉන්දීය අභ්යවකාශ පර්යේෂණ සංවිධානය (ඉස්රෝ) ගගන්යාන් ව්යාපෘතියේ ද කටයුතු කරමින් සිටින අතර, මිනිස් කාර්ය මණ්ඩලයක් කිලෝමීටර් 400ක (සැතපුම් 248) කක්ෂයකට යවා ඔවුන් ආරක්ෂිතව ඉන්දීය මුහුදට ගොඩබෑමටයි අරමුණු කරගෙන ඇත්තේ. ඒ වෙනුවෙන් ලබන සෙනසුරාදා, අභ්යවකාශ ඒජන්සිය මෙහෙයුමේ ප්රධාන පරීක්ෂණයක් ද පවත්වනු ඇති.
2024 අවසානයට පෙර අවසන් මිනිසුන් සහිත මෙහෙයුම ,ආරම්භ කිරීමට පෙර රොබෝවක් රැගෙන අභ්යවකාශයට තවත් පරීක්ෂණ ගුවන් ගමනක් සිදු කරනු ඇති බවයි ඉන්දීය මාධ්ය වාර්තා කළේ.
