ඌව පළාතේත් මාතලේ, නුවරඑළිය, අම්පාර සහ මඩකලපුව දිස්ත්රික්කවලත් ඉදිරි පැය 36 තුළදී විටින් විට වැසි ඇති විය හැකි බව කාලගුණ විද්යා දෙපාර්තමේන්තුව අද (06) පස්වරු 02.00ට නිකුත් කළ නිවේදනයේ සඳහන් වනවා.
උතුරු, උතුරු මැද, වයඹ පළාත්වල සහ හම්බන්තොට දිස්ත්රික්කයේ ද වැසි වාර කිහිපයක් ඇති විය හැකි බවයි එම නිවේදනයේ සඳහන් වුණේ.
සෙසු ප්රදේශවලම පස්වරු 02.00 න් පසු තැනින් තැන වැසි හෝ ගිගුරුම් සහිත වැසි ඇති විය හැකි අතර ඇතැම් ස්ථානවලට මිලිමීටර් 50 ට වැඩි තරමක් තද වැසි ඇති වීමේ හැකියාව ද පවතිනවා.
උතුරු සහ වයඹ පළාත්වලත් මාතලේ, ත්රිකුණාමලය, අනුරාධපුර දිස්ත්රික්කවලත් විටින් විට හමන පැයට කිලෝ මීටර් 30-40 දක්වා වන තරමක් තද සුළං ඇති විය හැකි බවත් කාලගුණ නිවේදනයේ සඳහන්.
බස්නාහිර, සබරගමුව සහ මධ්යම පළාත්වලත් ගාල්ල, මාතර සහ බදුල්ල දිස්ත්රික්කවලත් ඇතැම් ස්ථානවල අළුයම් කාලයේදී මීදුම් සහිත තත්ත්වයක් පැවතිය හැකි බවද කාලගුණ විද්යා දෙපාර්තමේන්තුව පෙන්වා දෙනවා.
ගිගුරුම් සහිත වැසි සමඟ ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස එම දෙපාර්තමේන්තුව ජනතාවගෙන් ඉල්ලා සිටිනවා.
