අධි ශීතකරණ සහිත කන්ටේනර් කිහිපයක් මේ වනවිට සූදානම් කර ඇති බව වාර්තා වෙනවා.
ඒ කොවිඩ් ආසාදිත මෘතදේහ ගබඩා කර තැබීමට යි.
කොළඹ ප්රධාන අධිකරණ විශේෂඥ වෛද්ය අජිත් තෙන්නකෝන් මේබව ජාතික පුවත්පතක් වෙත අනාවරණය කර තිබෙනවා.
ඉදිරි දින කිහිපය තුළ කොවිඩ් ආසාදිත පුද්ගලයින් විශාල ප්රමාණයක් නිවෙස් තුළදීම මරණයට පත් විය හැකි බැවින් මෙම ක්රියාමාර්ගය ගත් බවයි වාර්තා වන්නේ.
එවැනි මරණයකට ලක් වුණු ආසාදිතයින්ගේ මරණ පරීක්ෂණ වාර්තා ලැබෙන අදාළ සිරුරු ගබඩා කිරීමට මෙලෙස අධි ශීතකරණ සවි කළ කන්ටේනර් සූදානම් කළ බව පැවසෙනවා.
කෙසේ වෙතත් විශේෂඥ වෛද්ය අජිත් තෙන්නකෝන් පවසන්නේ මේවන විට කොවිඩ් මළසිරුරු ගොඩගැසීමක් සිදුවි නොමැති බවයි.
එහෙත් ඉදිරියේදී එවැනි තත්ත්වයක් ඇති විය හැකි බව ඔහු පවසනවා.
නිවෙස් තුළ සිදුවන කොවිඩ් මරණ සහ රෝහල්වලදී සිදුවිය හැකි වෙනත් මරණ පිළිබඳ පරීක්ෂණ වාර්තාවන් ලැබෙන තුරු එම සියලු මෘතදේහයන් තැන්පත් කිරීමට සිදුවන්නේ රෝහල් මෘත ශරීරාගාරයේ වන බැවින් එමගින් එහි ඉඩකඩ සම්බන්ධයෙන් යම් ගැටලුවක් ඇතිවිය හැකි බව ද ඔහු පෙන්වා දෙනවා
