Rajapura Handi Oil
Rajapura Diabetic Powder

ඉඩම් බැංකුවක් සකස් කිරීමට රජයේ සූදානමක්

කඩිනමින් ඉඩම් බැංකුවක් සකස් කරන ලෙසට නාගරික සංවර්ධන හා නිවාස අමාත්‍ය ප්‍රසන්න රණතුංග නිලධාරීන්ට උපදෙස් ලබාදී තිබෙනවා.

නාගරික සංවර්ධන අධිකාරිය සතු සියලුම ඉඩම් ඒකරාශි කර ගනිමින් මෙම ඉඩම් බැංකුව සකස් කරන ලෙසටයි අමාත්‍යවරයා උපදෙස් ලබාදී ඇත්තේ.

මේ වනවිටත් උපරිම භාවිතයට යොදාගෙන නොමැති ඉහළ වෙළඳපොළ වටිනාකමක් සහිත ඉඩම් ජාතික සැලැස්මකට අනුව රාජ්‍ය හා පෞද්ගලික අංශයේ හවුල්කාරීත්වයෙන් සංවර්ධනය කිරීමට මෙහිදී බලාපොරොත්තු වන බවයි අමාත්‍යවරයා පැවසුවේ.

දිවයිනේ ප්‍රධාන නගරවල පිහිටි ඉහළ වෙළෙඳපොළ වටිනාකමක් සහිත ඉඩම් හා ගොඩනැඟිලි අක්කර 1008ක් පමණ නාගරික සංවර්ධන අධිකාරිය සතුව ඇති බවයි වාර්තා වන්නේ.