ඊයේ රාත්‍රී ඇල්ල ප්‍රදේශයේ හෝටලයකට වෙඩි තැබීම සඳහා සැකකරුවන් පැමිණි බවට සැක කෙරෙන යතුරුපැදියක් පොලිසිය විසින් සොයාගෙන තිබෙනවා.
ඒ වෙඩි ප්‍රහාරය එල්ල වූ හෝටලයේ සිට කිලෝමීටර් 5ක් පමණ දුර ප්‍රදේශයක ප්‍රපාතයකට පෙරලා දමා තිබියදීයි.
ස්කූටි වර්ගයේ මෙම යතුරුපැදිය මීට දින කිහිපයකට පෙර කොළඹ ප්‍රදේශයෙන් අතුරුදන් වූ එකක් බවට ද කරුණු හෙළිවී තිබෙනවා.
වෙඩි තැබීම සිදු වූ ස්ථානයේ මහේස්ත්‍රාත් පරීක්ෂණය අද දහවල් බණ්ඩාරවෙල මහේස්ත්‍රාත් අධිකරණයේ වැඩබලන මහේස්ත්‍රාත් කෙනත් ද සිල්වා මහතා විසින් සිදු කරනු ලැබුවා.
සැකකරුවන් සොයා බණ්ඩාරවෙල සහ ඇල්ල පොලිස් ස්ථාන මගින් පරීක්ෂණ සිදු කරනවා.
රාවණා ඇල්ල ප්‍රදේශයේ හෝටලයක් ඉදිරිපිට ඊයේ රාත්‍රී සිදු වූ වෙඩි තැබීමෙන් පුද්ගලයෙකු තුවාල ලබා රෝහල් ගත කෙරුණා.
යතුරුපැදියකින් පැමිණි පුද්ගලයන් දෙදෙනෙක් කළ වෙඩිතැබීම CCTV කැමරාවක ද සටහන්ව තිබුණා.
