බෝල්කන් අර්ධද්වීපයට අයත් යුරෝපානු සම්භවයක් සහිත රාජ්‍යයක් වන ඇල්බේනියාවේ ටික්ටොක් සමාජ ජාලය තහනම් කර තිබෙනවා.
විදෙස් පුවත් සේවා වාර්තා කර ඇත්තේ; මෙම තහනම වසරක කාලයක් සඳහා ප්‍රකාශයට පත් කර ඇති බවයි.
ඇල්බේනියානු රජය විසින් මෙම තහනම ප්‍රකාශයට පත් කර ඇත්තේ එරට ශ්‍රේෂ්ඨාධිකරණය විසින් ලබාදෙනු ලැබූ තීන්දුවක් මත බවත් පැවසෙනවා.
පසුගියදා (දෙසැම්බර් 21) මෙම තීන්දුව අධිකරණය මගින් මුදාහැර තිබෙනවා.
බාලවයස්කාර පරපුරට තර්ජනාත්මක බියක් ඇති කරවීමට සමත් වූ සිදුවීමක් මතයි මෙම තීරණය ගෙන ඇත්තේ.
පසුගිය මාසයේ දී ටික්ටොක් යෙදවුම භාවිත කළ නව යොවුන් වියේ තරුණයෙක් ඝාතනය වීමත් සමග මෙම නියෝගය නිකුත් කෙරුණා.
ඇල්බේනියානු රජයේ අගමැති එඩි රාමා පැවසුවේ පාසල් සුරක්ෂිත කිරීමේ පුළුල් සැලැස්මක කොටසක් ලෙස මෙම තීන්දුව සැලකිය හැකි බවයි.
මෙම තහනම 2025 වසරේ මුල් භාගයේ සිට ක්‍රියාත්මක වනු ඇති.
ප්‍රංශය, ජර්මනිය සහ බෙල්ජියම ඇතුළු යුරෝපීය රටවල් කිහිපයක් ද ළමුන් සඳහා සමාජ මාධ්‍ය භාවිතය සීමා කර තිබෙනවා.
