ඇමරිකා එක්සත් ජනපදයේ විශාලතම ෆාමසි දාමයන් දෙකක් මයිෆෙප්රිස්ටෝන් නම් ගබ්සා ඖෂධ අලෙවිය ආරම්භ කිරීමට තීරණය තිබෙනවා.
එම සමාගම් පැවසුවේ ගබ්සාව නීත්යානුකූල වන ප්රාන්ත කිහිපයක මෙම ඖෂධ බෙදා හැරීම ලබන සතියේ ආරම්භ කරන බවයි.
පසුගිය වසරේ එක්සත් ජනපද ආහාර හා ඖෂධ පරිපාලනය විසින් ෆාමසිවල එම පෙති අලෙවි කිරීමට අවසර ලබා දුන් තීරණයකට අනුවයි ඔවුන් මෙම පියවර ගෙන ඇත්තේ.
මෙම ඖෂධ පෙති 2000 වසරේ සිට එක්සත් ජනපදයේ නීත්යානුකූලව පැවතුණ ද එය ලබා දෙනු ලැබුවේ සායන සහ රෝහල් හරහා පමණයි.
නව තීරණය අනුව නිව් යෝර්ක්, පෙන්සිල්වේනියා, මැසචුසෙට්ස්, කැලිෆෝනියා සහ ඉලිනොයිස් හි ෆාමසි කිහිපයක මෙම පෙති ලබාදීම ආරම්භ කරනු ඇති.
පෙත්ත සිල්ලර ෆාමසියක් හරහා ලබා ගත හැකි වීමත් සමඟ, එය වෛද්ය නිර්දේශය මත ඖෂධවේදියෙකුගෙන් ලබා ගත හැකියි.
අදාල ඖෂධ අලෙවිය සම්බන්ධයෙන් ගබ්සාවට එරෙහි කණ්ඩායම් විරුද්ධ වී ඇති අතර, ඔවුන් එක්සත් ජනපදයේ වෙළඳපොලෙන් එය ඉවත් කිරීම සඳහා නඩු පවරා තිබෙනවා.
