ඩුබායි හිදී අත්අඩංගුවට ගෙන ඊයේ (14) රාත්රියේ මෙරටට රැගෙන ආ ප්රබල මත්ද්රව්ය ජාවාරම්කරුවෙකු වන ශිරාන් බාසික් නැමැත්තා කොළඹ මධ්යම අපරාධ විමර්ශන කාර්යාංශය වෙත භාර දී තිබෙනවා.
දෙහිවල, කළුබෝවිල ප්රදේශයේ පදිංචිකරුවෙකු වන 48 හැවිරිදි ශිරාන් බාසික් ජාත්යන්තර පොලීසිය මගින් රතු වරෙන්තු නිකුත් කළ පුද්ගලයෙක් වනවා.
ඔහු 2018 වසරේ දී එක්සත් අරාබි එමීර් රාජ්ය වෙත පළාගොස් තිබුණා.
ඉරාන – අමෙරිකා යුද්ධයේ දී ඉරානය විසින් එක්සත් අරාබි එමීර් රාජ්යය වෙත පහරදීම සඳහා භාවිත කළ ඩ්රෝන යානා සහ මිසයිලවල ඡායාරූප සහ වීඩියෝ දර්ශන තම ජංගම දුරකථනයේ තබා ගැනීමේ වරද ඔහුව පසුගිය මැයි මාසයේ දී ඩුබායි පොලීසිය විසින් අත්අඩංගුවට ගෙන තිබුණා.
රතු වරෙන්තුකරුවෙක් වන මොහුව විමර්ශන කටයුතු සදහා ඇමෙරිකාව විසින් එරටට ලබා දෙන ලෙසට ද ඉල්ලීමක් ද කර තිබූ බවට තොරතුරු වාර්තා වුණා.
කෙසේ වෙතත් ශිරාන් බාසික්ව ඊයේ (14) පිටුවහල්කර මෙරටට ඒවා තිබූ අතර, එයාර් ඇරේබියා ගුවන් සේවයේ 3.එල්.- 708 දරන ගුවන් යානයෙන් අබුඩාබි නුවර සිට කටුනායක තොටුපොළ වෙත රාත්රී 08.48ට පමණ පැමිණි ඔහුව මෙරට ආරක්ෂක අංශ විසින් අත්අඩංගුවට ගනු ලැබුවා.
