අත්අඩංගුවට ගත් ආවා කල්ලි නායක ප්රභා අද (05) පස්වරුවේ ගල්කිස්ස අධිකරණයට ඉදිරිපත් කිරීමෙන් පසු දින 7ක කාලයක් රඳවාගෙන ප්රශ්න කිරීමට පොලිසියට අවසර ලබාදුන්නා.
ඩුබායි රාජ්ය වෙත පලා යාමට සූදානම්ව සිටියදී ඔහු ගල්කිස්ස ප්රදේශයේදී වලාන මධ්යම දූෂණ මර්දන ප්රහාරක බලකාය විසින් අත්අඩංගුවට ගැණුනා.
යාපනය ඇතුළු උතුරු පළාතේ භීතියක් ඇති කරමින් විවිධ අපරාධ, කප්ම් ගැනීම් සහ මනුෂ්ය ඝාතන සිදු කළ ආවා කල්ලි නායක ප්රභාකරන් කොයුසිකන් නොහොත් ප්රභා නැමැත්තා ගල්කිස්ස යශෝරාපුර දෙමහල් නිවසක උඩුමහලේ සැඟව සිටියදී වලාන මධ්යම දූෂණ මර්දන ප්රහාරක බළකාය ඊයේ අත්අඩංගුවට ගත්තා.
ඒ ඩුබායි වෙත පලා යාමේ අරමුණින් අදාළ නිවසේ ඔහු සැගව සිටින බවට ලද තොරතුරකට අනුවයි.
සැකකරු තෙල්පලෛයි පොලිස් වසමේ පිල්ලෙයාර් ප්රදේශයේ පදිංචිකරුවකු වන 25 හැවිරිදි පුද්ගලයක්
ඔහු ආවා කල්ලිය තුළ කොයින්සි තම්පා යන සංකේත නාමයෙන් හඳුන්වන අතර 001 යන සංකේත අංකය ඔහු භාවිත කර තිබෙන බව පොලිසිය පැවසුවා.
සැකකරු සන්තකයේ තිබී අයිස් මත්ද්රව්ය මිලිගෑම් 300 ක් ද සොයාගෙන ඇති අතර ඔහුගේ නිවසේ තිබී ආවා කල්ලියේ ලාංඡනය ඇතුළත් පත්රිකාවක් ද පොලිසිය සොයා ගත්තා.
විදෙස් රටවල් සමඟ සම්බන්ධතා පවත්වමින් ඔහු මනුෂ්ය ඝාතන සිදු කර අති බවට තොරතුරු අනාවරණය වනවා.
ඔහු විසින් යාපනය අර්ධද්වීපයේ සිදු කරන ලද අපරාධවලට අදාළව යාපනය මහේස්ත්රාත් අධිකරණයේ විවෘත වරෙන්තු 02 ක් සහ මල්ලාකම් මහේස්ත්රාත් අධිකරණයේ වරෙන්තු 02ක් පවතින බවයි පොලිසිය සඳහන් කළේ.
වැඩිදුර විමර්ශන සඳහා සැකකරු ගල්කිස්ස පොලිස් ස්ථානය වෙත භාර දී තිබෙනවා.
