ආදිවාසී නායකයාගෙන් උපදෙසක්

සියලුම දේශපාලන පක්ෂ බලයට පැමිණීමට උත්සාහ කරන්නේ රට සංවර්ධනය කිරීමට වන අතර සියලු දේශපාලන පක්ෂ එක්වී කටයුතු කරන්නේ නම් රටට දැවැන්ත ශක්තියක් ගොඩනංවා ගත හැකි බව ආදිවාසී නායක ඌරුවරිගේ වන්නිලඇත්තන් පවසනවා.

කිසිදු බෙදීමක් නොමැතිව වේයන් තුඹසක් නිර්මාණය කරන ආකාරයෙන් සමගියෙන් සහ එකමුතු කමින් සමාදානයෙන් සියලු දේශපාලන පක්ෂ මෙන්ම දේශපාලනඥයන් එක්ව රට වැටී ඇති ප්‍රපාතයෙන් ගොඩ නැගීමට කටයුතු කළ යුතු බවයි ඔහු පෙන්වා දෙන්නේ.

එක රටක ජීවත්වන මිනිසුන් පාට පක්ෂවලට බෙදී ගහ මරා ගැනීමෙන් වැළකී ආර්ථික අර්බුදයෙන් මිදීමට පියවර ගත යුතු බව ආදිවාසී නායකයා සඳහන් කළා.