ශ්රී ලංකාවේ අධ්යාපන ක්ෂේත්රය දශක ගණනාවක් තිස්සේ මුහුණ දී ඇති විවිධ ගැටලු පාසල් පද්ධතිය තුළ නිර්මාණය වී ඇති බවත් පාසල්වල තිබෙන අසමානතාවය, දරුවන්ගේ ඉගෙනුම් – ඉගැන්වීම් ක්රියාවලියේ දී බරපතල ගැටලු රාශියකට මූලික වී ඇති බවත් අධ්යාපන අමාත්ය අග්රාමාත්ය හරිනි අමරසූරිය පවසනවා.
අධ්යාපන අමාත්යාංශයේ පැවති උත්සවයක අතරතුර ඇය මේ බව සඳහන්කර සිතියා.
තරගකාරී අධ්යාපන රටාව තුළ පාසල් දරුවන්ගේ ඉගෙනුම්-ඉගැන්වීම් ක්රියාවලිය තුළ ඔවුන් මුහුණ දෙන පීඩනය, ගුරුවරුන් මුහුණ දෙන පීඩනය, විදුහල්පතිවරුන් මුහුණ පාන ගැටලු මේ සියල්ලටම මුලික වී ඇත්තේ පාසල් අතර ඇති අසමානතාවයබවත්, එය මගහැරීම සඳහා වර්තමාන රජය විශාල උත්සාහයක් දරණ බවත් අමාත්යවරිය වැඩිදුරටත් පවසා සිටියා.
මෙම අසමානතාවය අවම කිරීම අධ්යාපන ප්රතිසංස්කරණයේ මූලික අරමුණක් බවයි ඇය පවසන්නේ.
අධ්යාපන ක්රියාවලියේ ගුණාත්මකභාවය ඉහළ නැංවීමේ දී විදුහල්පතිවරුන්ගේ සහ ගුරුවරුන්ගේ සෘජු සහභාගීත්වය, නායකත්වය, ආදර්ශය හා දායකත්වය මූලික වශයෙන් අවශ්ය බව ද එහිදී අගමැතිණිය එහිදී පෙන්වා දුන්නා.
අමාත්යතුමිය වැඩිදුරටත් සඳහන් කරන්නේ අධ්යාපන ප්රතිසංස්කරණය තුළින් විෂය නිර්දේශය වෙනස් කිරීම පමණක් නොව මානව සම්පත දියුණු කිරීම, පරිපාලනමය දියුණුව, යටිතල පහසුකම් සමානව බෙදා දීම, සහ අධ්යාපන ක්රියාවලිය ඩිජිටල්කරණය කිරීම යන අංශ වලට විශේෂ අවධානය යොමු කර ඇති බවයි.
