ඉන්දීය ජාතික ක්‍රිකට් කණ්ඩායමේ ආරම්භක පිතිකරුවෙකු වන යශස්වි ජයිස්වාල්ගේ වාර්තාවක් බිඳ හෙලීමට ඉන්දීය A කණ්ඩායමේ ක්‍රීඩක අයුෂ් මහත්‍රෙ (Ayush Mhatre) සමත් වුණා.
ඔහු ජයිස්වාල් තබා තිබූ ළාබාලතම ලකුණු 150ක් ලබා ගැනීමේ වාර්තාවයි මෙලෙස බිඳ හෙලුවේ.
එරට ක්‍රීඩා මාධ්‍ය වාර්තා කර ඇත්තේ මුම්බායි ආරම්භක පිතිකරුවෙකු වශයෙන් කටයුතු කරන අයුෂ් විසින් මේ දිනවල (31) විජේ හසාරේ කුසලානයේ දී නාගාලන්තයට එරෙහිව පන්දු 117ක දී ලකුණු 181ක් රැස් කිරීමට සමත් වුණා.
ඒ අනුව ලකුණු 150ක් රැස් කළ ළාබාලතම ක්‍රීඩකයාගේ වාර්තාව තමන් නමින් ලියා ගැනීමට මාත්‍රේ සමත් වීම කැපී පෙනෙනවා.
ජයිස්වාල් 2019 වර්ෂයේ දී ජර්ඛාන්ඩ් කණ්ඩායමට එරෙහිව මුම්බායි වෙනුවෙන් ක්‍රීඩා කරමින් මෙම දක්ෂතාව ලබා ගන්නා විට යාන්තමින් අවුරුදු 17කුත් දින 291ක් ගත ව තිබුණා.
නමුත් මාත්‍රේ මේ වනවිට පසුවන්නේ වයස අවුරුදු 17කුත් දින 168ක් තුළයි.
මෙම වාරය මුල දී මුම්බායි කණ්ඩායම වෙනුවෙන් සිය මංගල තරගයට ක්‍රීඩා කළ Mhatre, පන්දු 117කදී හයේ පහර 11ක් සහ හතරේ පහර 15ක් සමඟින් ලකුණු 181ක් රැස් කිරීමට සමත් වුණා.
