බලපා ඇති අයහපත් කාලගුණ තත්ත්වය හමුවේ සිදු වූ ජීවිත හානි සංඛ්යාව 07ක් දක්වා ඉහළ ගොස් තිබෙනවා.
ඊයේ (03) දිනයේ පොල්පිටිය, මොරහේනගම ප්රදේශයේ නිවසක් මතට පස්කන්දක් කඩා වැටීම හේතුවෙන් 22 හැවිරිදි තරුණයෙක් සහ කාන්තාවන් තුන්දෙනෙක් ඇතුළුව පුද්ගලයන් සිව්දෙනෙක් ජීවිතක්ෂයට පත්වුණා.
වටවල, ඥානාන්දගම ප්රදේශයේ දී ද පාලමක් මතින් ගමන් කරමින් සිටියදී මහවැලි ගඟට වැටීමෙන් 53 හැවිරිදි පුද්ගලයෙක් ද ජීවිතක්ෂයට පත්ව තිබුණා.
තවද නාවලපිටිය, ජනඋදාන ගම්මානයේ වෙළෙඳසලක් මතට පස්කන්දක් කඩා වැටී 67 හැවිරිදි පුද්ගලයෙක් ද ජීවිතක්ෂයට පත්ව තිබෙනවා.
එමෙන්ම නාවලපිටිය පස්බාගේ කෝරළයේ නිවසක් මතට පස් කන්දක් කඩා වැටීමෙන් 67 හැවිරිදි පුද්ගලයෙක් ජීවිතක්ෂයට පත්ව ඇති තිබෙනවා.
මේ අතර ගිනිගත්හේන, අඹගමුව ප්රදේශයේ දී 45 හැවිරිදි පුද්ගලයෙක් ද ජල පහරකට හසුව අතුරුදහන්ව ඇති බව පොලිසිය පවසනවා.
