දිවයිනට බලපෑ තිබූ අයහපත් කාලගුණය හේතුවෙන් ගොවිබිම් අක්කර 375,000ක් පමණ ජලයෙන් යට වී ඇති බව කෘෂිකාර්මික හා ගොවිජන රක්ෂණ මණ්ඩලය සඳහන් කරනවා.
එලෙස ජලයෙන් යට වූ ගොවිබිම්වල ජලය බැසයාමෙන් පසු වගා හානිය තක්සේරු කරන බවයි එහි සභාපතිවරයා පැවසුවේ.
මේ අතර අයහපත් කාලගුණයෙන් සිදුව ඇති වගා හානි වෙනුවෙන් වන්දි පිරි නැමීම ඉදිරියේ දී සිදුකරන බව කෘෂිකර්ම නියෝජ්‍ය අමාත්‍ය නාමල් කරුණාරත්න ඊයේ (29) මාධ්‍ය වෙත අදහස් දක්වමින් සඳහන් කළා.
ඒ, අනුව වී, බඩඉරිඟු, අර්තාපල්, සෝයා බෝංචි,ලොකු ලූනු සහ මිරිස් වගාවන් සඳහා වන්දි ලබාදීමට තීරණය කර ඇති බවයි නියෝජ්‍ය අමාත්‍යවරයා පැවසුවේ.
පූර්ණ හානි වූ වගාවන්ගේ අක්කරයක් සඳහා රුපියල් 40,000ක උපරිමයකට යටත්ව එම වන්දිය ලබාදීමට කටයුතු කරන බව ද ඔහු සඳහන් කළා.
ඔබේ ප්‍රතිචාරය කුමක්ද ?
+1
+1
+1
+1
+1
1
+1
+1
