ඇමෙරිකා සංචාරකයකු මෙරටට ආ අවස්ථාවේ මුහුණ දීමට සිදු වූ දුෂ්කරතා හේතුවෙන් තමන් පැමිණි ගුවන් යානයෙන් ආපසු හැරී යාමේ පුවතක් සම්බන්ධයෙන් විමර්ෂණයක් ආරම්භ කර තිබෙනවා.
මාලදිවයිනේ සිට ශ්රී ලංකාවට පැමිණ ඇති මෙම අමෙරිකානු සංචාරකයා පැය 05 කට පසු ආපසු ගොස් ඇතැයි වාර්තා වන්නේ.
මෙම සිද්ධිය සම්බන්ධයෙන් පුළුල් විමර්ෂණයක් සිදු කරන ලෙසට සංචාරක ඇමති ප්රසන්න රණතුංග විසින් සංචාරක සංවර්ධන අධිකාරියට ලබා දුන් උපදෙස් අනුව මෙම පුළුල් විමර්ශනය ආරම්භ කර ඇති බවද එම අමාත්යාංශය කියා සිටින්නේ.
පසුගිය 07 වෙනිදා මෙරටට පැමිණි ජෝර්ජ් නැමැති එම සංචාරකයා ශ්රී ලංකාවේ දී මුහුණ දුන්නේ යැයි කියන අපහසුතාවයන් පිළිබද ඔහු සිදු කරන ලද ප්රකාශයක් මේ දිනවල සමාජ මාධ්යවල පුළුල් ලෙස ප්රචාරය වීම හේතුවෙන් අමාත්යවරයා මෙම උපදෙස් ලබා දී ඇත.
අදාළ ඇමෙරිකා ජාතික සංචාරකයා එම සමාජ මාධ්ය වීඩියෝවෙන් සදහන් කරන්නේ සංචාරයක් සදහා ශ්රී ලංකාවට පැමිණි තමාට ප්රවාහන පහසුකම් සපයා ගැනීමට නොහැකි වීම සහ සිය නියෝජිත ආයතනය සම්බන්ධ කර ගැනීමට නොහැකි වීම නිසා පැය 05 ක කාලය තුළ ආපසු තමන් නැවත ඉස්තාන්බුල් බලා පිටත්ව ගිය බවයි.
wpDiscuz
