ජාතික තරුණ සේවා සභාවේ වසරේ ගෙවී ගිය කාලය තුළ සිදු කළ ව්යාපෘතීන් හි ප්රගතිය පිළිබඳව සමාලෝචනයක් අද (28) තරුණ සේවා සභාවේදී පැවැත්වුණා.
තරුණ කටයුතු සහ ක්රීඩා අමාත්ය සුනිල් කුමාර ගමගේ සහ තරුණ කටයුතු නියෝජ්ය අමාත්ය දිනිඳු සමන් හෙන්නායක ගේ ප්රධානත්වයෙන් මෙම සාකච්ඡාව පවත්වනු ලැබුවා.
මෙහිදී මේ වසරේ ක්රියාත්මක කරන ලද ව්යාපෘති පිළිබඳව හා ඉදිරියේ දී ක්රියාත්මක කිරීමට නියමිත ව්යාපෘති පිළිබඳව ද අමාත්යවරයාගේ අවධානය යොමු වී තිබෙනවා.
ජාතික තරුණ සේවා සභාව තුළ ව්යාපෘති හා වැඩසටහන් ක්රියාත්මක කිරීමේදී ගුණාත්මකභාවය පිළිබඳව අවධානය යොමු කළ යුතු බවත්, ගුණාත්මකභාවයෙන් ඉහළ මට්ටමකින් ව්යාපෘති සිදු කිරීමට අවශ්ය මුදල් ප්රතිපාදන ලබාදිය හැකි බවත් තරුණ කටයුතු අමාත්ය සුනිල් කුමාර ගමගේ මෙහි දී පවසා තිබෙනවා.
තරුණ කෘෂි සංවර්ධන ව්යාපෘති සිදු කිරීමේ දී ලෝකයේ නව ප්රවණතා පිළිබඳව අවධානය යොමු කළ යුතු බවද අමාත්යවරයා සඳහන් කළා.
ජාතික තරුණ සේවා සිදුවන මගින් සිදු සිදුකරන වෘත්තීය පුහුණ පාඨමාලා සහතිකයකට පමණක් සීමා නොවී, බුද්ධිය ක්ෂේත්රයට පිවිසි පසු එයින් ඉහළ ප්රතිලාභ ලබා ගත හැකි පරිදි සකස් කළ යුතු බව තරුණ කටයුතු නියෝජ්ය අමාත්ය දිනිඳු සමන් හෙන්නායක පවසනු ලැබුවා.
යූත් ක්ලබ් සඳහා තවමත් සම්බන්ධ වී නොමැති තරුණ තරුණියන් සම්බන්ධ කරගැනීමට වැඩපිළිවෙලක් සකස් කළ යුතු බව ද නියෝජ්ය අමාත්යවරයා ප්රකාශ කළා.
ක්රීඩාව තුළ සැබෑ දක්ෂයින්ව මතු කිරීම පිළිබදව අවධානය යොමු කළ යුතු බවත්, ඒ සඳහා සැලසුම් කළ යුතු බවත් නියෝජ්ය අමාත්යවරයා මෙහිදී වැඩිදුරටත් සඳහන්කර තිබෙනවා.
