හිටපු පාර්ලිමේන්තු මන්ත්රී අමරකීර්ති අතුකෝරළ සහ ඔහුගේ ආරක්ෂක නිලධාරියා පහරදී ඝාතනය කිරීමේ සිද්ධියට අදාළ නඩුවේ තීරණය මේ වනවිට ප්රකාශයට පත්කර තිබෙනවා.
ඒ, අනුව සිද්ධියට සම්බන්ධ සැකකරුවන් 41 දෙනාගෙන් 12 දෙනෙකු හට ගම්පහ ස්ථිර ත්රිපුද්ගල මහාධිකරණ විසින් මරණ දඬුවම නියම කිරීමටයි නියෝග කළේ.
සිද්ධියට සම්බන්ධ තවත් සැකකරුවන් 23 දෙනෙකු නිදොස්කොට නිදහස් කිරීමටයි අධිකරණය අද (11) නියම කර සිටියේ.
ඊට අමතරව තවත් සැකකරුවන් සිව්දෙනෙකුට මාස 06ක සිරදඬුවම් නියම කර එය වසර 05 කට අත්හිටුවා තිබෙනවා.
අරගලය පැවැති 2022 වසරේ මැයි මස 09 වන දින නිට්ටඹුව නගරයේ දී ශ්රී ලංකා පොදුජන පෙරමුණේ පොළොන්නරුව දිස්ත්රික් පාර්ලිමේන්තු මන්ත්රි අමරකීර්ති අතුකෝරළ සහ ඔහුගේ ආරක්ෂක නිලධාරී පොලිස් සැරයන් ජයන්ත ගුණවර්ධන පහර දී ඝාතනය කෙරුණා.
ඒ, මන්ත්රීවරයා මන්දිරයේ පැවැති ජන හමුවකට සහභාගි වී මෝටර් රථයෙන් ආපසු පොළොන්නරුවේ සිය නිවස බලා යමින් සිටියදීයි.
මෙම ඝාතන සම්බන්ධයෙන් පුද්ගලයින් 41 දෙනෙකුට එරෙහිව නීතිපතිවරයා විසින් අධිචෝදනා ගොනු කර තිබුණා.
2023 වසරේ සිට වසර දෙකහමාරකට වැඩි කාලයක් අඛණ්ඩව විභාග වූ මෙම නඩුවේ තීන්දුව සහන් මාපා බණ්ඩාර, රශ්මි සිංගප්පුලි සහ රසන්ත ගොඩවෙල යන මහාධිකරණ ත්රිපුද්ගල විනිසුරු මඬුල්ල විසින් මෙලෙස ප්රකාශයට පත් කළා.
wpDiscuz
