අභිනවයෙන් පත්වූ ශ්රී ලංකාවේ චීන තානාපති වෙයි හුආෂියැන්ග් (Wei Huaxiang) හා හිටපු ජනපති මහින්ද රාජපක්ෂ අතර අතර හමුවක් අද (09) පෙරවරුවේ කොළඹ දී පැවැත්වුණා.
පසුගිය අගෝස්තු මස 25 වන දින සිය අක්තපත්ර භාර දීමෙන් අනතුරුව,වෙයි හුආෂියැන්ග් ශ්රී ලංකාවේ චීන තානාපති ලෙස රාජකාරී ආරම්භ කළා.
එම අවස්ථාව සඳහා ශ්රී ලංකා පොදුජන පෙරමුණේ මහලේකම් නීතිඥ සාගර කාරියවසම් ද සහභාගී වී සිටියා.
මෙම හමුවේදී චීන ශිෂ්ටාචාරයේ ගැඹුරු අර්ථය වඩාත් සමීපව අවබෝධ කර ගැනීමට අවස්ථාව සලසන සාම්ප්රදායික චීන සිතුවම් ඇතුලත් ග්රන්ථයක් හිටපු ජනාධිපතිවරයා වෙත චීන තානාපතිවරයා විසින් පිළිගන්වනු ලැබුවා.
ශ්රි ලාංකීය සංස්කෘතිය සහ ජනතාව සුහදත්වයෙන් යුතුව වැළඳ ගනිමින් මිත්රත්වයෙන් මෙන්ම උපායමාර්ගික හවුල්කාරිත්වයෙන් යුතුව අප දෙරට මෙතෙක් පැමිණි ගමන්මග සිහිපත් කරමින් චීන රාජ්යයට ස්තුතිවන්ත ව් එන බව හිටපු ජනාධිපති මහින්ද රාජපක්ෂ සිය මුහුණුපොත වෙත සටහනක් එක්කරමින් සඳහන් කරතිබෙනවා.
