පොසොන් පුර පසළොස්වක පුන් පොහොය අද (21) යි.
අනුබුදු මිහිඳු මහරහතන් වහන්සේගේ ලංකාගමනය සිහිපත් කරමින් මෙරට බෞද්ධ ජනයා අද පොසොන් පොහොය සමරනවා.
පෙහෙවස් සමාදන් වෙමින් දාන, ශීල, භාවනා ආදි ආමිස හා ප්රතිපත්ති පූජා සිදු කරමින් දිවයිනේ සියලු ම බෞද්ධ ජනයා මෙම දිනය සිහිපත් කරනවා.
දඹදිව සිට අනුබුදු මිහිඳු හිමියන් ඇතුළු පිරිවර විසින් අදවන් පොහොය දිනකදියි සම්යක් සම්බුදු රජාණන් වහන්සේ ලොවට වදාළ බුදු දහම ශ්රී ලාංකික ජනතාව වෙත දේශනා කරනු ලබන්නේ.
අනුරාධපුර මිස්සක පව්ව නැතහොත් මිහින්තලය යන නමින් හැඳින්වෙන ගල් කුල මතටයි එදවස මිහිඳු හිමියන් ධර්මය රැගෙන මෙරටට වැඩම කර, එවක රජ කළ දෙවනපෑතිස් රජු ඇතුළු පිරිසට දහම් දෙසා තිබෙන්නේ.
එබැවින් අද දිනය මුළු මහත් බෞද්ධ ජනයාගේ වැදගත් ම පුන් පෝ දිනයක් ලෙසටයි සැලකෙන්නේ.
මේ අතර පොසොන් පොහොය නිමිත්තෙන් පණිවිඩයක් නිකුත් කරමින් අග්රාමාත්ය දිනේෂ් ගුණවර්ධන මහතා සඳහන් කරන්නේ ලොව කිසිදු ජන වර්ගයකට නොදෙවෙනි ශ්රේෂ්ඨ ජාතියක් ලෙස ලක්වැසියා පෙරට පැමිණියේ මේ මහා දර්ශනයෙහි ඇති ජීව ගුණයෙන් බවයි.
උතුම් ගුණධර්ම පෙරදැරිකොටගත් සමාජය උදෙසා වන පින්බර පොසොන් පොහෝ දින පිළිවෙතින් පෙළගැසෙමුයි!” අග්රාමාත්යවරයා සිය නිවේදනයෙන් දක්වා තිබෙනවා.
